စံးထီၣ်ပတြၢၤ 61
61
တၢ်ထုကဖၣ်လၢတၢ်ကဟုဘံၣ်ကယာ်ဘၢ အဂီၢ်
1ကစၢ်ယွၤဧၢ, ကနၣ်ယတၢ်ကိးပသူထီၣ်,
ဒိကနၣ်ယတၢ်ထုကဖၣ်န့ၣ်တက့ၢ်.
2လၢတၢ်သးဟးဂီၤဒီး တၢ်အိၣ်ယံၤဒီး
ဟံၣ်အပူၤန့ၣ်ယကိးထီၣ်နၤလီၤ.
ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.
3အဂ့ၢ်ဒ်အံၤနမ့ၢ်ယတၢ်ပူၤဖျဲးအလီၢ်,
တၢးထီခၢၣ်သနၢၣ်လၢတၢ်ထီဒါ
ယဒုၣ်ယဒါအဂီၢ်န့ၣ်လီၤ.
4ပျဲယကအိၣ်ဘၣ်လၢနဒဲစီဆှံအပူၤလီၤထူလီၤယိာ်,
ဟ့ၣ်ယၤတၢ်ပူၤဖျဲးလၢနဒံးဆ့အဖီလာ်န့ၣ်တက့ၢ်. စ့လၤ
5ကစၢ်ယွၤဧၢ,
အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ.
နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.
6ပာ်ဖှိၣ်အါထီၣ်စီၤပၤအသးသမူအနံၣ်အလါတဖၣ်
ဒီးပျဲအအိၣ်မူတစိၤဘၣ်တစိၤတက့ၢ်.
7မ်အပၢဘၣ်တၢ်လၢကစၢ်ယွၤအမဲာ်ညါ လီၤထူလီၤယိာ် န့ၣ်တက့ၢ်.
ပာ်လီၤနတၢ်အဲၣ်အဂၢၢ်အကျၢၤ
ဒီးပၢၤအီၤလၢတၢ်သူၣ်တီသးလိၤန့ၣ်တက့ၢ်.
8မ့မ့ၢ်ဒ်န့ၣ်ဒီး
ယကသးဝံၣ်စံးထီၣ်ပတြၢၤနမံၤလီၤစိၤလီၤထီ
ဒ်ယဟ့ၣ်ယတၢ်အၢၣ်လီၤအတၢ်ဟ့ၣ်
တနံၤဘၣ်တနံၤအသိးန့ၣ်လီၤ.
دیاریکراوەکانی ئێستا:
စံးထီၣ်ပတြၢၤ 61: KSWC
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Sgaw Karen Common Bible © Bible Society of Myanmar, 1992.