စံးထီၣ်ပတြၢၤ 60
60
တၢ်ထုကဖၣ်လၢတၢ်မၤပူၤဖျဲးအဂီၢ်
1ကစၢ်ယွၤဧၢ, နညိကွံာ်တ့ၢ်လံပှၤလံ.
နမၤလီၤမုၢ်လီၤဖးလံပှၤလံ.
နသးထီၣ်တ့ၢ်လံ. ဘၣ်ဆၣ်ခဲအံၤ
ဃၣ်က့ၤနသးဆူပအိၣ်တက့ၢ်.
2နမၤဆှဲးဆှိးတ့ၢ်လံဟီၣ်ခိၣ်, နမၤသ့ၣ်ဖးလံအီၤလံ.
ဘှီက့ၤအတၢ်သ့ၣ်ဖးအလီၢ်န့ၣ်တက့ၢ်.
အဂ့ၢ်ဒ်အံၤ, ဟူးဝးဝဲလီၤ.
3နဒုးတူၢ်တ့ၢ်လံနပှၤဂီၢ်မုၢ်လၢ
တၢ်ကီတၢ်ခဲသ့ၣ်တဖၣ်,
နဟ့ၣ်တ့ၢ်လံပှၤစပံးထံလၢပကအီဒီး
ကမၤမူၤပှၤန့ၣ်လီၤ.
4နဟ့ၣ်ပလီၢ်တ့ၢ်ပှၤတဖၣ်လၢ အယူးယီၣ်နၤ,
ဒ်သိးကပူၤဖျဲးလၢ တၢ်ဟးဂူာ်ဟးဂီၤအဂီၢ်န့ၣ်လီၤ. စ့လၤ
5ဒ်သိးပှၤလၢနအဲၣ်အီၤတဖၣ်ကပူၤဖျဲးအဂီၢ်န့ၣ်,
ဟ့ၣ်တၢ်မၤနၢၤလၢနစုထွဲဒီးစံးဆၢလၢ်ပှၤတက့ၢ်.
6ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ,
လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ်
စူးကိၤသးအတၢ်လူၢ်တၢ်တြီၤန့ၣ်
ဆူယပှၤဂီၢ်မုၢ်လီၤ.
7ကံးလဧးမ့ၢ်ယတၢ်, မနၤၡ့ၤမ့ၢ်ယတၢ်, အ့ဖရဲၣ်မ့ၢ်
ယခိၣ်သလုးထး,
ဒီးယူဒၤမ့ၢ်ယစီၤပၤအနီၣ်ထိးလီၤ.
8မိၤအးမ့ၢ်ယသ့စီတၢ်အသရာ်တဖျၢၣ်,
ယကွံာ်တ့ၢ်ယခီၣ်ဖံးလၢအဒိၣ်အဖီခိၣ်
ယကကိးထီၣ်တၢ်မၤနၢၤလၢ ဖလ့ၡသးအဖီခိၣ်လီၤ.”
9ကစၢ်ယွၤဧၢ, မ့ၢ်မတၤတဂၤကဒုးလဲၤနုာ်ယၤဆူ
ဝ့ၢ်အိၣ်ဒီးအခိၣ်ဒူန့ၣ်လဲၣ်.
မ့ၢ်မတၤကဆှၢယၤဆူအဒိၣ်တဂၤန့ၣ်လဲၣ်.
10မ့ၢ်နညိကွံာ်ပှၤနီၢ်နီၢ်လံဧါ.
မ့ၢ်နတလဲၤထီၣ်ဒုးတၢ်ဒီး ပသုးမုၢ်တဖၣ်ဘၣ်ဧါ.
11ဟ့ၣ်လၢ်ပှၤတၢ်မၤစၢၤလၢတၢ်ထီဒါ
ပဒုၣ်ပဒါအဂီၢ်န့ၣ်တက့ၢ်.
အဂ့ၢ်ဒ်အံၤ, ပှၤကညီအတၢ်မၤစၢၤန့ၣ်
မ့ၢ်တၢ်ကလီကလီန့ၣ်လီၤ.
12ကစၢ်ယွၤမ့ၢ်အိၣ်ဒီးပှၤဒီးပကမၤနၢၤတၢ်,
အဝဲကမၤနၢၤပဒုၣ်ပဒါတဖၣ်န့ၣ်လီၤ.
دیاریکراوەکانی ئێستا:
စံးထီၣ်ပတြၢၤ 60: KSWC
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Sgaw Karen Common Bible © Bible Society of Myanmar, 1992.