Mumpar 5
5
Adam naanar wa
1Kenii Adam naanar teŋɛ dɔŋa nɛ.
Korowii aa ta nɛwɛnyina la, o ta ba ɡɛ o tenten aa doa. 2Baa ne haahnee o ta, asɛ dɛ swee ba andɛɛɡa, dɛ yer ba “nɛwɛnyina.” 3Adam aa di bene lafa fifraatoro la, o lolɛ bibaa o le o ɡbaɡba, asɛ dɛ pa o sɔn Sɛt. 4Sɛt lola habɔɔ la, o berɔ so bene lafraanuatoro, dɛ lolɛ o bibaala ne bihaahna bane ɡe. 5Bene lafraanuanaarɛ fifraatoroo Adam di dɛ sewɛ.
6Sɛt aa baa kpeɡ dɛ di bene lafa dɛ anue la, o lolɛ bibaa dɛ pa o sɔn Enɔs, 7waa di bene lafraanuatoro dɛ anuanɛ la, o lolɛ bibaala ne bihaahna bane ɡe. 8Waa sewa dɛ o di bene lafraanuanaarɛ dɛ fi dɛ anɛ.
9Enɔs ɡe aa baa kpeɡ dɛ di bene fifraanuanaarɛ la, o lolɛ bibaa dɛ pa o sɔn Kenan. 10A habɔɔ la, o berɔ di bene lafraanuatoro dɛ fi dɛ anue dɛ ɡe lolɛ bibaala ne bihaahna bane ɡe. 11Waa baa sewɛ dɛ o di bene lafraanuanaarɛ dɛ anue.
12Kenan ɡe aa baa kpeɡ dɛ di bene fifraanuanaarɛ la, o ɡe lolɛ bibaa dɛ pa o sɔn Mahalalel. 13A habɔɔ la, o berɔ di bene lafraanuatoro fifraanaarɛ dɛ lolɛ bibaala ne bihaahna bane ɡe. 14O ɡe aa baa sewɛ dɛ o di bene lafraanuanaarɛ dɛ fi.
15Mahalalel ɡe aa baa di bene fifraanumɛl dɛ anue la, o lolɛ bibaa dɛ pa o sɔn Jarɛd. 16Jarɛd habɔɔ la, o berɔ di bene lafraanuatoro dɛ fifraatoro, dɛ lolɛ bibaala ne bihaahna bane ɡe. 17Waa baa sewɛ la, dɛ o di bene lafraanuatoro fifraanuanaarɛ dɛ anue.
18Jarɛd ɡe baa kpeɡ. O bene lafa fifraanumɛl dɛ anɛ ta la, o lolɛ bibaa dɛ pa o sɔn Enɔk. 19A habɔɔ la, o berɔ di bene lafraanuatoro dɛ ɡe lolɛ bibaala ne bihaahna bane ɡe. 20Waa baa sewɛ la, dɛ o di bene lafraanuanaarɛ fifraanumɛl dɛ anɛ.
21Enɔk ɡe aa baa kpeɡ dɛ di bene fifraanumɛl dɛ anue la, o lolɛ bibaa dɛ pa o sɔn Mɛtusala. 22A habɔɔ la, o ne Korowii kpɔ darame bene lafraatoro dɛ lolɛ o bibaala ne bihaahna bane ɡe. 23Waa baa sewɛ la, dɛ o di bene lafraatoro fifraanumɛl dɛ anue. 24Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.#Hib 11:5
25Mɛtusala ɡe aa baa kpeɡ dɛ di bene lafa fifraanuatoro dɛ anuanɛ la, o lolɛ bibaa dɛ pa o sɔn Lamɛk. 26Lamɛk lola habɔɔ la, o berɔ di bene lafraanuanɛ fifraanuatoro dɛ anɛ, dɛ lolɛ bibaala ne bihaahna bane ɡe. 27Waa baa sewɛ la, dɛ o di bene lafraanuanaarɛ fifraanumɛl dɛ anuanaarɛ.
28Lamɛk ɡe aa kpeɡa dɛ di bene lafa fifraanuatoro dɛ anɛ la, o lolɛ bibaa, 29dɛ pa o sɔn Nowa dɛ ŋɔ, “Bie nɔɔ dɛ́ ba tɛ yaa bosɔɔhna, dɛ́ lɛ yaa le Korowii taahna waa taah harɛ nɔ dɛ ɡel yaa koh ya tomare ta la ta.” #5:29 Nowa munii bosɔɔhna dɔe. 30A habɔɔ, Lamɛk berɔ di bene lafraanue fifraanuanaarɛ dɛ anue, dɛ lolɛ bibaala ne bihaahna bane ɡe. 31Waa baa sewɛ la, dɛ o di bene lafraanuanɛ fifraanuanɛ dɛ anuanɛ.
32Nowa ɡe aa baa kpeɡ dɛ di bene lafraanue la, o lolɛ bibaala batoro, asɛ dɛ pa bɛl sɔn Sɛm, bɛl ɡe Ham, asɛ toorote la ɡe Jafɛt.
دیاریکراوەکانی ئێستا:
Mumpar 5: mzw
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.