Mumpar 36
36
Esɔ naanar wa
1Kenii Esɔ baa bera dɛɛ yerɔ Edom la bii ne o naanar waa do.
2Esɔ mo haahna batoro baa ɛ Keenan tena. Bɛl sɔne Ada, o mɛɛ ɛ Hiti te baa yerɔ Ɛlɔn, hanɛɛte ɡe sɔne Oholibama, o mɛɛ sɔne Ana. O nabaa sɔne Sibeon o ɛ Hivi te. 3O hantoorote sɔne Basemat, o mɛɛ sɔne Ismael, o nimambie sɔne Nɛbayɔt.
4Ada lolɛ bie baa yerɔ Elifas, asɛ Basemat ɡe lolɛ bɛl baa yerɔ Ruwɛl. 5Oholibama lolɛ bibaala batoro baa yer ba Jeyus ne Jalam dɛ Kora. Bii Esɔ aa lol ba Keenan harɛ ta laanee la.
6Esɔ kpɔ o haahna ne bibaala ne bihaahna, o dem tena bwa ne o kondɛɛra, ne komɛlbwa waa dɔa Keenan harɛ la ta bwa le o nime Jekɔb jwɛh dɛ kaa harɛfale bɛl ta ka so. 7Dɛkalkɛ dɛ harɛ o ne Jekɔb aa soɡe o ta la aa kanɛ tɛɛ ba. Ba dɔ kondɛɛra asɛ a ya, anomanta, dɛ a chɛ kɛ bɛlbwa nyin bofale dɛ́ ka so o kwaa ne. 8Asɛ Esɔ ka so Edom#36:8 Edom sɔn bɛl ɡee Sɛɛ. harɛ ta deŋɡarere ta.
9Kenii Esɔ waa ɛ Edom tena naa la bii ne o naanar teŋɛ dɔŋa nɛ.
10Esɔ bibaala waa lol ba laanee teŋa nɔ.
O haah Ada lolɛ Elifas,
asɛ Basemat ɡe lolɛ Ruwɛl.
11Elifas bibaala waa lol ba laanee,
Teman ne Omar ne Sefo
ne Gatam dɛ Kenas.
12Esɔ bibaa Elifas berɔ dɔ
sɛno bɛl baa yerɔ Timna,
asɛ dɛ lolɛ Amalɛk.
Banɔ bwa ɛ Esɔ haah
Ada naanar.
13Ruwɛl bibaala waa lol ba laanee, Nahat ne Sɛra
ne Samaa dɛ Misa.
Banɔ bwa ɛ Esɔ haah
Basemat ɡe naanar.
14Esɔ haah Oholibama,
waa ɛ Ana bihaah,
dɛ berɛ ɛ Sibeon naa la
bibaala waa lol ba laanee,
Jeyus ne Jalam dɛ Kora.
15Gɛ nɛra nɔ aa teŋa nɔ ɛ koranar Esɔ naanar bini.
Esɔ biloɡle Elifas bibaala
waa lol ba laanee,
Teman ne Omar ne Sefo
dɛ Kenas, 16ne Kora
ne Gatam dɛ Amalɛk.
Banɔɔ ɛ Elifas naanar
dɛ ɛ koranar dɛ so Edom.
Ba berɔ ɛ Ada ɡe naanar.
17Esɔ bibaa Ruwɛl bibaala
waa lol ba laanee,
Nahat ne Sɛra ne Samaa
dɛ Misa. Banɔɔ ɛ Esɔ haah
Basemat naanar
dɛ ɛ koranar dɛ so Edom.
18Esɔ haah Oholibama bibaala waa lol ba laanee,
Jeyus ne Jalam dɛ Kora.
Banɔɔ ɛ Esɔ haah
Oholibama naanar
dɛ ɛ koranar.
Oholibama nya sɔne Ana.
19Dɛ a ɡɛ nɛra nɔ bwa ɛ Esɔ bibaala, dɛ bwa ɛ koranar.
20Sɛɛ waa ɛ Hɔr te bibaala waa lol ba asɛ ba so Edom laanee,
Lotan ne Sobal ne Sibeon
dɛ Ana, 21ne Dison
ne Esa dɛ Disan. A ɡɛ Sɛɛ
bibaala nɔ, dɛ ba ɛ Hɔr
tena koranar dɛ so Edom.
22Lotan ɡe bibaalaa,
Hɔr ne Homam. Dɛ Lotan
nimambie sɔne Timna.
23Sobal ɡe bibaalaa,
Alvan ne Manahat ne Ebal
ne Sɛfo dɛ Onam.
24Sibeon ɡe bibaalaa,
Aeya ne Ana.
A ɡɛ Ana nɔ kaa na newɔb
a bule dɛɛ le pua hɛŋle
ɡbo harɛ ta, ɡɛ saŋ
dɛ o dɛ nyiŋi o mɛɛ Sibeon
keeɡore ta.
25Ana bii waa lol ba laanee,
Dison ne Oholibama
waa ɛ Ana bihaah la.
26Dison ɡe ir dɛ lolɛ, o bibaalaa,
Hɛmdan ne Ɛsban
ne Itran dɛ Keran.
27Asɛ Esa ɡe bibaalaa,
Bilhan ne Saavan dɛ Akan.
28Disan ɡe ir dɛ lolɛ,
bibaalaa nɔ, Us ne Aran.
29Hɔr tena koranaree,
Lotan ne Sobal ne Sibeon
dɛ Ana, 30ne Dison ne Esa
dɛ Disan. Banɔ nɔɔ Hɔr tena
koranar ɡɛ ba fa aa soɡe
ba harɛre ta Edom harɛ ta la.
Edom koranar
31Koranar baa tɔ sie di Edom kora, mɔɔ Israel te bɛlbwa ɡe ba di la sɔnaa teŋa nɔ.
32Beɔ bibaa Bɛla di kora Edom. Dɛ o bwɛjen sɔne Dinhaba.
33Kooro Bɛla aa baa sewɛ la, Sɛra bibaa Jobab waa le bwɛjen Bosra baa so o buɡ ta.
34Kooro Jobab ɡe aa baa sewɛ la, Husam waa le Teman harɛ taa baa di kora.
35Asɛ Kooro Husam ɡe aa baa sewɛ la, Bɛdad bibaa Hadad ɡee baa chiɡ o naa ta di kora. Onee fa yo Midian tena, dɛ pɔ ba nɛɛ Moab harɛ ta la. O bwɛjen sɔne Avit.
36Kooro Hadad ɡe baa sewɛ, asɛ Samla waa le bwɛjen Masrɛka ba di kora.
37Kooro Samla ɡe aa baa sewɛ la, Swaul waa le Rɛhɔbɔt waa chɔa bɛne nee laanee baa di kora.
38Kooro Swaul ɡe baa sewɛ, asɛ Akbɔ bibaa Baal Hanan ɡe ba chiɡ o naa ta dɛ di kora.
39Kooro Baal Hanan ɡe aa baa sewɛ la, Hadad chiɡ o naa ta, dɛ di kora. Dɛ o bwɛjen sɔne Pau. O haah ɡe sɔne Mɛhetabɛl, o ɛ Matrɛd bihaah. Matrɛd ɡe nya sɔne Mɛsahab.
40Gɛɛ koranar baa le Esɔ be pera ɡe waa do. Ba sɔna ne ba deene ta ne ɡɛ baa soɡaa nɔ.
Timna ne Alva dɛ Jetɛt, 41ne Oholibama ne Ɛla dɛ Penɔn 42ne Kenas ne Teman dɛ Mibsar 43ne Maɡdiel dɛ Iram. Banee di kora Edom. Gɛ baa sosoɡa ba harɛre ta ne ɡɛ bɛlbwa wobol baa dɛ bol laanee la.
Esɔ ɛ ba bwa naa.
دیاریکراوەکانی ئێستا:
Mumpar 36: mzw
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.