GENESIS ETWALEMO
ETWALEMO
Edina Genesis, otali ti: ‘etameko’ ile ‘eshito’. Embo eli otali popi eshito lounyuni, etameko lovanhu, okunyona kwotete, efyo nomauyehame nghee e uya mounyuni nomukalo waKalunga wokukalafana novanhu. Embo Genesis otali dulu okutukulwa moitukulwa inene ivali: omatukulwa 1—11: (1) Eshito lounyuni nondjokonona yonakudiwa yoludi lomunhu. Apa ope na omahokololo taa popi Adam naEva, Kain naAbel, Noa neyelu nOshungo yaBabel. (2) omatukulwa 12—50: Ondjokonona yonakudiwa yooxekulu vOvaisraeli. Xekulu wotete oAbraham, ou a li e na eitavelo neduliko kuKalunga. Nopo nee okwa landula ehokololo tali popi omona Isak nomutekulu Jakob, ha ifanwa nedina limwe Israel, novana vaJakob omulongo navavali, ovo va li ovatoti vomapata aIsrael omulongo naavali. Umwe womovana oo e na okukonekwa unene oJosef, noiningwanima oyo ya fininika Jakob pamwe novana vamwe nomaumbo avo, va tembukile kuEgipiti.
Embo eli itali popi ashike omahokololo kombinga yovanhu, ndelenee monhele yotete otali popi eshi Kalunga a longa. Otali tameke nokukoleka kutya ounyuni owa shitwa kuKalunga, notali xulifa neudaneko kutya Kalunga ota twikile okufila ovanhu vaye oshisho. Ou e na okutongololwa membo eli alishe oKalunga, ou ta pangula nota handukile ovo tava nyono, ta wilike nota kwafa ovanhu vaye, nota kwata moitomo yonghalamwenyo yavo. Embo eli, tali popi onakudiwa younyuni, ola nyolwa opo li tu ulikile eitavelo lovanhu vaKalunga venya, fye tu kwafwe tu kale neitavelo li na omwenyo.
Elandulafano loshikalimo
Eshito lounyuni nolovanhu 1:1—2:25
Okunyona kwotete nomauyehame 3:1-24
Okudja kuAdam fiyo okuNoa 4:1—5:32
Noa neyelu 6:1—10:32
Oshungo yaBabel 11:1-9
Okudja kuSem fiyo okuAbraham 11:10-32
Ooxekulu: Abraham, Isak, Jakob 12:1—35:29
Ovana vaEsau 36:1-43
Josef novamwaxe 37:1—45:28
Ovaisraeli muEgipiti 46:1—50:26
বর্তমানে নির্বাচিত:
GENESIS ETWALEMO: OKYB
হাইলাইট
শেয়ার
কপি
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.