Mithumo 22

1“Vanathu ni vatate, konkuwa engisani ti ni lavako ku mi gela, kasiku ni txi ti fakazela.”

2Ngako va nga mu engisa a txi womba-womba ngu Txihebheru, va to malala votshe va txi katila. Ene a to ya masoni ngu kuwombawomba, a txi khene:

3 # Wona ni ka: Mith. 5:34-39. “Ani ni Mujudha. Ni velekelwa Tarso ka Kilikiya. Aniko ni kulete ka dona didhoropa diya, ni txi gondiswa ngu Gamaliyeli kuveketa ta tinene Mlayo wa vatate vathu, ni ti ni kukhutala ka hombe ngu timhaka ta Txizimu, nga tiya na nanu motshe mi mahako nyamsi. 4#Wona ni ka: Mith. 8:3; 26:9-11. Ni xanisile vathu va Nzila yiya, veza ve dawa. Ni va sungisete ngu titxhini, ni va beta mikorani, vavamna ni vavasikati. 5Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

Paulo a txhamusela ta kuhunduluka kwakwe

(Mithumo 9:1-19; 26:12-18)

6“Ku ti ngako ni di ngadi ha nzila,

na ni txi tshuketela Dhamasku, kunukunuko, ngu mbimo ya hafuhi ni dhina, ni to ranganyetwa ngu kuphatima ka hombe. 7Se ni to wa hahatshi, ni engisa dipswi di nga ni gela, di txi kha dona: ‘Sawule, Sawule, u ni xanisela txani kani?’

8Ani ni to angula, ni txi khani: ‘Ngawe mani, Mkoma kani?’ Konaho ene a to xamula a txi khene:

‘Ani ngani Jesu wa Nazareta, awuwa awe u mu xanisako.’

9Ava ni nga ti navo va ku woni kuphatima kule, aniko kha va di engisa dipswi da wule a nga ti womba-womba ni nani. 10Sekoko ni tshumela ni txi khani: ‘Nji txani ni fanelako ku txi maha kani, Mkoma kani?’

Se Mkoma a to khene: ‘Khukha u txi tsula Dhamasku. Eho u na ya gelwa ti u fanelako ku ti thuma.’

11Aniko, ngako ni nga ti si woni ngu mhaka ya kutshodwa ngu kuphatima kuleya ni to hoka Dhamasku ngu kuñoletwa lisole ngu va ni nga ti navo.”

12“Koneyo ku ti ni m'thu wokari, a nga ti dhanwa ku i Ananiya, i nga ti m'thu wa wukhongeli ni mlondeteli wa Mlayo, awu a nga ti sumwa wunene ngu Vajudha va didhoropa. 13Ene a ni tete, a ta ni gela ku khene: ‘Sawule, mwanathu, tshumela u wona.’

Se kunukunuko ni to tshumela ni tuleka maso, se ni khata ku mu wona. 14Se ene a to ni gela ku khene: ‘Txizimu txa vatate vathu txi ku sikete kasiku u txi ziva kuranda ka txona, kuwona Mlulami ni kuengisa dipswi da kuhuma ngu txisofuni kwakwe. 15Nguko u fanete kuva u di fakazi masoni ka votshe vavamna, ya tiya u nga ti wona ni ku tiengisa. 16U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Mthumo wa Paulo

17“Se ku to maheka taku, na ni di wuyile Jerusalema,

ngu mbimo yi ni nga ti khongela dithepeleni, ni to gulwa moyani; 18se ni txi wona Mkoma, a txi ni gela ku khene: ‘Kuluveta, u txi khukha Jerusalema, nguko vathu va kona kha va na mbi amukela wufakazi wu u wu wombako kwawe ngu ngani.’

19Ani ni xamute ni txi khani: ‘Mkoma, vona va tiziva ti to ngani ni nga ti tsimbila masinagogani, ni ñolela ni va khotela mkorani ni ku va kwapela, ava va kholwako kwako; 20#Wona ni ka: Mith. 7:58. se mbimo yi wu nga thekela mnoha wa fakazi yako Sitefani, nanani ni ti konaho, ni txi ema kumweko navo, ni txi woneleta syambalo sawe.’

21Aniko ene a to ni gela ku khene: ‘Tsula, ni na kurumela ka vamatiko, aniya kule.’ ”

22Vona va to ya masoni ngu ku mu engisa kala ka mapswi awa, aniko ngu msana va to gula dipswi, va txi kha vona:

“A na fuviswe ha mafuni mamoyo!

Kha nga ni fanelo ya kuhanya!”

23Se ngako va nga ti si leki kukwangula ni kuzuza syambalo sawe ve paletela mafu, 24nduna yi to rumela ti to ene Paulo e betwa khokholani, a txi thethiswa ngu kukwapelwa ngu timhika, kasi kuziva ti to i mhaka muni va mu mahelako diguwa ngu yona. 25Se mbimo yile va nga ti ti msunga ngu titxhini, Paulo a to gela mthangeli wa dizana, a nga ti ti kona hale, a txi khene:

“Ina ma tumelwa kukwapela txivelekwa txa mroma, awu ni kuabaniswa a nga mbi nga abaniswa, kani?”

26Ngako yi txi engisa toneto, mthangeli wa dizana a to tutuma; eya gela mthangeli wa hombe wa yimbi, a txi khene:

“Nji txani u lavako kumaha kani? Mamoyo njivelekwa txa mroma!”

27Se mthangeli wa hombe a to muwoni yi to kha yona ka Paulo:

“Hi ngani gela, awe u txizikwa txa mroma kani?”

Se ene a to khene: “Im!”

28Mthangeli wa hombe a to tshumela e womba, a txi khene:

“Txibongo txiya ani ni txi xavile ngu male yayingi ngutu.”

Paulo a nje khene:

“Ani no va txivelekwa txa mroma!”

29Kunukunuko, avale va nga ti lava ku mu thethisa, va to hangalaka. Se mthangeli wa hombe nene a to thava ngu kuziva ti to Paulo njivelekwa txa mroma, awu ene a nga ti mu sungile.

Paulo Banzani ka Hombe

30Mangwanani ka kona, ngu kulava kuziva ta tinene mhaka yi Vajudha va nga ti mu mangalela ngu yona, a to mu thukunyula e ramba vaphaxeli va hombe ni dotshe dibanza; se a to neha Paulo, e mu emisa masoni kwawe.

বর্তমানে নির্বাচিত:

Mithumo 22: BEC2016

হাইলাইট

তুলনা করুন

কপি