UMOZHIGO 11
11
Ashɛkpa Babɛl
1Rɛjɛmɛ ru unyizo kpaaŋ rɛ shɛ la ru ko gba tu n-ndumwa mu na aa duma. 2Gana na ta a banɛ tahaŋnụ ta aba geri bu uwaŋna-banụ, oo to ụdadarɛ uko tukpataa ugbe na cɛnjɛ ti Shaina, aa jɛjɛ apata.
3Aa mama hiaŋnụ, Hwure tɛ njɛ ma etemberi, aa njɛ ga etemberi, ee tweni aŋ tebiye gana atayɛ, ee suji tuko aa njɛ cɛnjɛ tu tuma. 4Nazhɛ ɛɛ hiɛŋ, Hwure ti meme dweji ma ụshɛpwụ uko ụ'wụtụ 'wụtụ keeni ashɛkpa oko maa ihiŋhiŋ aba timengeni tụla, maa ti 'yaga ma izeci ike, iwɛ maa kede ta garatagwụ na cɛnjɛ tu unyizo kpaaŋ o. 5Nazhɛ AGWANGWAMA kezhe maa kwụba ụshɛpwụ ata ụ'wụtụ keeni ashɛkpa ata atwa ata a ma. 6Nazhɛ AGWANGWAMA hiɛŋ, Atwa ga a shɛ iyi ike, aa duma rɛjɛmɛ ru ko kpaaŋ aba, inɛ gɛ ibɛ kiri ee te kwuni tɛnda, i zasa iyi elele nɛ ee heŋshi maa a njɛ i zhɛ ya 'yagana aŋ iwɛ tɛnda o. 7Hwure tu zwi ma apata maa tu sukwuteji ma rɛjɛmɛ ra aba, iwɛ maa kede a mama hwuganụ ya rɛjɛmɛ o.
8Ibɛ po AGWANGWAMA gereteji aŋ na cɛnjɛ tu unyizo kpaaŋ, ee genji ụshɛpwụ ata ụ'wụtụ tuma. 9Iwɛbɛ po oo po uŋ izeci maa Babɛl,#11:9 Babɛl: Egini Babɛl i shɛ, tusukwutogwu. iwɛnɛ i shɛ maa apata AGWANGWAMA sukwuteji rɛjɛmɛ ra cɛnjɛ tu unyizo kpaaŋ. Apata kaa du AGWANGWAMA gereteji aŋ oo mburusonu hwayɛ na cɛnjɛ tu unyizo kpaaŋ.
Ajalalo Shɛm
10Ajalalo Shɛm na: Aka na ti gɛ Shɛm zhɛrɛ shiywa dipi-yebi (100), na aba na te meni mi zhagajɛ shiywa shi yebi. Bee meci Apakshad 11Gɛ Shɛm zhɛrɛ shiywa akpakwụ-eyebi-ni-dipi-yebi (500) na aba na ti bee meci Apakshad, bee meci miaụŋ-me-eyi, na mu na mo-o mi nya.
12Aka na ti ga Apakshad zhɛrɛ shiywa talacɛ-na-shɛba-shɛ-ta (35) te e meci bu, bee meci Shɛla. 13Ga Apakshad zhɛrɛ shiywa akpakwụ-eyebi-na-shɛba-shɛ-tatụ (403) na aba na ti bee meci Shɛla, bee meci miaụŋ-me-eyi, na mu na mo-o mi nya.
14Aka na ti ge Shɛla zhɛrɛ shiywa talacɛ (30) te e meci bu, bee meci Ibɛ. 15Ge Shɛla zhɛrɛ shiywa akpakwụ-eyebi-na-shɛba-shɛ-tatụ (403) na aba na ti bee meci Ibɛ, bee meci miaụŋ-me-eyi, na mu na mo-o mi nya.
16Aka na ti gɛ Ibɛ zhɛrɛ shiywa talacɛ-na-shɛba-shi-neshi, te e meci bu, (34) bee meci Pɛlɛg. 17Gɛ Ibɛ zhɛrɛ shiywa akpakwụ-eyebi-nu-talacɛ (430) na aba na ti bee meci Pɛlɛg, bee meci miaụŋ-me-eyi, na mu na mo-o mi nya.
18Aka na ti gɛ Pɛlɛg zhɛrɛ shiywa talacɛ (30) te e meci bu, bee meci Rɛu. 19Gɛ Pɛlɛg zhɛrɛ shiywa kpakwụ-na-shɛba-shi-cinjishi (209) na aba na ti bee meci Rɛu, bee meci miaụŋ-me-eyi, na mu na mo-o mi nya.
20Aka na ti gɛ Rɛu zhɛrɛ shiywa talacɛ-na-shɛba-shi-yebi (32) te e meci bu, bee meci Serug. 21Gɛ Rɛu zhɛrɛ shiywa kpakwụ-na-shɛba-shi-cenje (207) na aba na ti bee meci Serug, bee meci miaụŋ-me-eyi, na mu na mo-o mi nya.
22Aka na ti ge Serug zhɛrɛ shiywa talacɛ (30) te e meci bu, bee meci Naho. 23Ge Serug zhɛrɛ shiywa kpakwụ (200) na aba na ti bee meci Naho, bee meci miaụŋ-me-eyi, na mu na mo-o mi nya.
24Aka na ti ga Naho zhɛrɛ shiywa-woshi-na-shɛba-shi-cinjishi (29) te e meci bu, bee meci Tera. 25Ga Naho zhɛrɛ shiywa dipi-yebi-ne-eshe-umpwa-na-shɛba-shi-cinjishi (119) na aba na ti bee meci Tera, bee meci miaụŋ-me-eyi, na mu na mo o mi nya.
26Aka na ti ge Tera zhɛrɛ shiywa dupu-nu-woshi (70), te e meci bu, bee meci Abram, na Naho keeni Haran.
Ajalalo Tera
27Atwa ga aba shɛ ajalalo Tera. Ge Tera meci Abram, na Naho keeni Haran, ga Haran meci Lụt. 28Ga Haran 'wi hiiŋ ne bishi bwa ge Tera na cɛnjɛ tu na ee meci bu, nu Uu na namɛ na cɛnjɛ ta Akaldia. 29Ga Abram keeni Naho, zeni eyikwo. Ɛ hiɛŋ izeci biyikwo Abram ga Sarai, ɛɛ hiɛŋ izeci biyikwo Naho ge Milka, yɛu Haran na du shɛ bishi Iska. 30Ga Sarai kaa shɛ bu'ulo, bu zasa yɛu. 31Ge Tera shepi Abram yɛu ibwɛ keeni Sarai keeni bụjalụ bwa ga Lụt keeni ụtashɛ ubwa, na shɛ biyikwo Abram. Ee beni hwɛɛ aba nu ụshɛpwụ ata Uu, na namɛ na cɛnjɛ ta Akaldia maa e zhe na cɛnjɛ ti Kenan, ama aka na te e ci Haran, aa jɛjɛ apata.
32Ge Tera namɛ shiywa kpakwụ-na-shɛba-shɛ-ta (205) nazhɛ bee 'wi nu Haran.
বর্তমানে নির্বাচিত:
UMOZHIGO 11: RBT
হাইলাইট
শেয়ার
কপি
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008