Rom Levelinga Loklox Axasep
Levelinga Loklox Axasep
Lamaares 58 A.D.
Anai ni lovoang at ne Pol ga malagan i rinedi limixin nuunu diga nemen to Rom. Pol gak lok to Korin la ni ga malagan na lovoang, la melemu neni ga raba lara loono min, laasen teren ne Poebe, la neni ga lok ka na lovoang uto at lemenemen silok Rom gak lok at lenep silok Itali. At mo levenmaares lara laradi mo gat kis sisilok ti limixin to Rom diga so asen i do ne Kaisar. Amo lemenemen ni lemenemen silok. Pol ga vara i xusu na lox ase dik do nedik axap limixin ata gara xapmek pam at lemeren ne Moroa, la ixo epovo do nedik atabak mokso at leven gugu atdik kopla leveloklok nunuan atdik. Mo dola nedik ata nuunu mene at ne Iesu Karisito, Moroa naba lox asepmus nedik basinge laxakapmek atdik la neni naba doxoma xape laxapmek atdik. Pol ga vara i xusu neni nat pas uto Rom la nak lok go mi levempavang teren. Mo limixin nuunu lentaba atnedi, boro Judaia la lentaba atnedi, nedi limixin Grik.
Lengkot silok at lovoang Rom:
1:1-17 Lavasuun teren la ne Pol ga malagan i na lovoang.
1:18–3:20 Kopmen teta naba lok ka lorooro mi lololos axa ren.
3:21–4:25 Lavatturunen ti lok ka lorooro ni lunuunu mun.
5:1–8:39 Lixitkis la lavatpas atnedi di lok ka lorooro maxat.
9:1–11:36 Moroa naba ro ka amu manga limixin me Israel.
12:1–15:13 Lorooro at laradi nuunu.
15:14–16:27 Lavapaase momo la levelinga loklox axap.
বর্তমানে নির্বাচিত:
Rom Levelinga Loklox Axasep: mmx
হাইলাইট
কপি
তুলনা করুন
শেয়ার
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.