Popular Bible Verses from APOSTOLO 2

শেয়ার

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

O anyongonwene mu longeso lia apostolo, nikuliendela, ni upatwilo wa mbolo, ni kulemba.

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Susumuku kwakatukile mwilu lundunjila ngwe kutakumuka cha fuji ya tachi, chazalishile zuwo lieswe, muze atwamine. Mba kwasolokele kuli ayo malimi a kupula, ngwe a kahia; o atwamine hali ayo eswe, umwe ni umwe. O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge, nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota

Ni waze eswe afulielele apwile hamuwika, apwile ni yuma yeswe hamuwika. O alanjishile upite wo ni yikumba yo, ayanyinyine kuli eswe, nikulita ngwe mutu ni mutu wahonene.

Mba kumuchikapwa, mweswawo matambika ha jina lia Mwene kumakamulamwina.

tangwa kumulikalumuka milima, ni kakweji kumakalumuka manyinga, shimbu tangwa lia Mwene kanda liza, tangwa lize linene ni liakusolola uhenya.