Popular Bible Verses from APOSTOLO 1

শেয়ার

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Iye wambile kuli ayo ngwenyi, Hi kuli yenu ko kunyingika mashimbu ni miaka, yize asele mwe Tata mu chiyulo chenyi mwene.

Iye, nikukunguluka hamwe no, waahele koki ngwenyi, Kanda nukakatuka ku Yerusaleme, alioze nukatwaminyine chilakenyo cha mwe Tata, chize ngwenyi, Nwevwile kuli yami: mumu, Yoano chamwenemwene wapapachishile mu meya; alioze kumakanupapachisa muli Spiritu Musandu, kulutwe lia matangwa akepe.

kuli ayo nawa, walisolwele ni mwono ni yinyingi yinji, kulutwe lia lamba lienyi, nikumoneka kuli ayo makumi awana a matangwa, nikuhanjika yuma ya kutwala ku wanangana wa Zambi.

Muze te hamba yino yuma, shimbu machitala, amupindumwine kwilu; ni lelwa liamutambwile, liamuswekele ku meso jo.

Shimbu machihulikila meso mwilu, shimbu Mwene machiya, kumanyi, malunga aali amanyine hakamwihi no, ni mahina atoma ja mukambo; aze nawa ambile ngwo, Malunga A-Ngalileya, kuchi te nunamana nikutala mwilu? Yono Yesu, hamuchiza kuli yenu amutambwile mwilu, chocho kumakeza chizechene ngwe hinwamumona nikuya mwilu.