Popular Bible Verses from Maki 13

শেয়ার

Wɔ yo wɔ kɔŋ bena thambo saathɛ ba kiyaŋ. Kɛrɛ wɔ yo wɔ wo ni muyuŋ haaŋ ka mapeye ma ka sii nama baŋ, ndɛ na nɔŋ niyɔ kisi.

Niyaŋ kuthɛgbɛ baa beŋ kɔita malɔkɔ ma Hati ka Wɔ woŋ see.

Awa naa beŋ boho e beŋ kato ka kaamani beŋ, baŋ ni thɔɔrɔ ba hu beŋ gbonkoy; naa lɔkɔ baŋ tɛŋ, tɛpaŋ humo huma hu beŋ dɔma ba gbonkiya. Baa thayimbɛŋ tha beŋ gbonkoy thaŋ beŋ kutɛ biyɛ thɛŋ; tha kɔŋ ŋaye ka Yina wo ka Masaala woŋ.

Kuthahinɛ koŋ iŋ ka fa woŋ mu kɔŋ daŋande fooma, kɛrɛ thampa niŋ thaŋ sa daŋande.

“Wɔ yo ka wo kɔthɔ malɔkɔ mɛnɛ wakathi wo Hati ka Wɔ woŋ see, hali hintiŋ malekɛŋ bi ka ariana beŋ, maa Hati woŋ. Yɔkɔŋ Fandaŋ woŋ nagbɛti ndɛ na kɔthɛ.

Awa baŋ ni thathukuma thakendeŋ thaŋ thɔɔrɔ naa beŋ yuye masɔnkɔ ma ka ŋayombo wuthuriye bena mɛnɛ maseriŋ ma ka ŋayombo wuthokiye bena. Muŋ muŋ fooma mu kiŋ ba yenke niyɔ. Kɛrɛ mapeye ma ka lɔkɔ ba ka fa woŋ baŋ kutɛ hɛ.

Bɛna dethitekeŋ, baa beŋ kɔita lɔkɔ ba mariki wo ka banka baŋ woŋ see. Thampo wu kɔŋ niyɔ naa kaŋ woŋ thɔɔyɛ, maa huyɛ teete, maa saanuŋ kaŋ ba puthɔ, maa naa kaŋ puthɔy. Mɛnɛ ndɛ see kuthurunɔ, ndɛ be tha bena pɛnki bi nine. Hu yaŋ bena tepe haŋ, yaŋ tepe huŋ ba womo woma: Dethitekeŋ!”

Kuyɛkɛŋ ku kɔŋ dekeyi kuyɛkɛŋ, awa hugbakine hu kɔŋ dekeyi hugbakine, kuyɛkɛŋ koŋ ku kɔŋ thɛnɛŋ ka thani ka bɔyɛ, awa ŋakɔnthɔ ŋamandiŋ ŋa kɔŋ niyɔ. Kɛrɛ muŋ muŋ fooma athɔyande iŋ wuthoonɛ wumayoŋ wu naa yɛrɛmɛ bohe ba saa ka mpaa.

Huseri Huyɔhɔy haŋ hu kɔŋ hintiŋ yenke niyo kɛwandi ka biyamɛti fooma saanuŋ bɛyiniŋ baŋ baŋ ba niyɔ.

Biya bibɔyɛ bi kɔŋ seeye ka keŋ kukiyaŋ, awa wɔ o wɔ ka bindɛ kɔŋ dɔmɔkɔ, na ‘Yama Banikisi wo niyo nde lahiri woŋ,’ awa bi kɔŋ thɔkɔŋ biya bibɔyɛ.

“Beŋ gbeeŋ ka yɛthɛ bakendeŋ niyaŋ kuthɛgbɛ. Beŋ kɔŋ bɔha e beŋ kato ka kaamani beŋ. Beŋ kɔŋ gbuduŋa ka bankɛŋ bathuŋuyande baŋ; beŋ kɔŋ kiya ka kɔtɔkɔy ka bakɛrɛni beŋ mɛnɛ ka gbakuiŋ beŋ saathɛ ba kiyaŋ ba bindɛ tepe Huseri Huyɔhɔy haŋ.

Ba bi dɔmɔkɔ beŋ na Baninikisiŋ bina bindɛ mahɛŋ ma bindɛ ka nɛŋ, mɛnɛ banabiŋ bibahothiŋ, bi kɔŋ fuŋ. Bi kɔŋ ni lamanthoni iŋ bɛyiniŋ bathakaba haliko ba thɔkina biya bi thanki Masaala yɛtha beŋ, mɛnɛ wu kɔŋ ŋɛnɔ.

“Ka wuthurɔy wu nambarɛŋ baŋ baŋ see wuŋ, kaŋ woŋ kɔŋ niyɔ huntuma, awa sɛnkɛ woŋ sa nda bɛndi. Sosɛŋ beŋ bi kɔŋ yayi maŋaye ka kuthahinɛ koŋ; sɛmbɛŋ ba ka kuthahinɛ koŋ baŋ ba kɔŋ thɛnɛŋ.