Popular Bible Verses from Maki 12

শেয়ার

Yisɔs ni niŋ yaabi ba dɔma, na “Siraŋ ba yamɛ nthɔŋ nda baŋ fooma ka sirani baŋ bɛna baŋ baŋ: ‘Ponaŋ kuiha bendo biIsirɛli, Mariki wo Masaala wokɛntuŋ woŋ ndɛ na Mariki woŋ napethi. Thimoŋ Mariki wo Masaala wokɛnda woŋ iŋ thukuma nda haŋ fooma, iŋ sii nda baŋ fooma, iŋ masiyi nda maŋ fooma, awa mɛnɛ sɛmbɛ nda baŋ fooma.’ Ba tɛŋinɛ babaye ba yamɛ nthɔŋ nda baŋ fooma bɛna baŋ baŋ: ‘Thimo bintɔni nda beŋ nɔŋ na thimo yi yɛthɛŋ bakɛnda baŋ na.’ Siraŋ ndo ka nda ba yamɛ ba babaye baŋ baŋ.”

Yisɔs thiyi bakarandeni nama beŋ ka tha banthe e dɔma kɛnamɛŋ, na “Yaŋ tepe bena, bagbokora wo bamɔnɛ woŋ baŋ yame thiya ka kuma baŋ ayaŋ ba wɔ yo wɔ wohɛna. Ba binɔndi beŋ beŋ thiye maŋaye ka wuyete wu fuŋuŋ bindɛ ka nanhulu namɛŋ baŋ. Kɛrɛ bagbokora wo bamɔnɛ woŋ baŋ thiye fooma wu iŋ wundɛ wuŋ. Wundɛ tha pɛyɛtiyɔkɔ ntha yo ntha ba thɔma hukɛnama haŋ.”

Naa doŋe nde hintiŋ Yisɔs wuthuriye ka biya beŋ thiye yaka woŋ ka banka bamandiŋ ba ka Masaala baŋ, wundɛ kɔŋ dethi na biya beŋ thiyi kɔbiri woŋ. Dinhaŋiŋ beŋ bi kɔŋ nde thiyi kɔbiri womandiŋ-mandiŋ. Kɛna key bagbokora wunthe wo bamɔnɛ e wundɛ ka thiya sɛntiŋ biye.

Awa yɔkɔŋ wɔmɛti be niŋ thimo iŋ thukuma nama haŋ fooma, mɛnɛ masiyi nama maŋ fooma, mɛnɛ sɛmbɛ nama baŋ fooma. Awa e ndɛ hɛlɛŋ thimo ntɔ nama na nɔŋ yɛthɛ bakɛnama baŋ. Wu yameŋ niyɔ hita ba putiyɔ sirani baŋ baŋ ayaŋ ba fuŋuna maamiŋ sarakɛŋ mɛnɛ sarakɛŋ bahɛna baŋ ka Masaala ka bɛsɛ baŋ.”

Kɛna tepe bindɛ Yisɔs, na “Wuŋ yɔhɔy, dunkuneŋ Gbaku woŋ wukɛnama wuŋ, awa e beŋ dunkune Masaala na wukɛnama wuŋ.” Naa yuye bindɛ huŋ, bindɛ ni thakaba wumandiŋ ba Yisɔs.