Popular Bible Verses from मत्ती 4

শেয়ার

यीशुए तैस जुवाब दित्तो, “अवं न केरेलो किजोकि परमेशरेरी किताबी मां लिखेरूए, ‘मैन्हु सिर्फ रोट्टेइं सेइं ज़ींतो न राए, बल्के तै हर गल मन्ने सेइं ज़ींतो राते, ज़ै परमेशर ज़ोते।’”

यीशुए तैस जो ज़ोवं, “हे शैतान! दूर भो, किजोकि परमेशरेरी किताबी मां लिखेरूए, ‘तू सिर्फ प्रभु अपने परमेशरे कां मथ्थो टेक ते तैसेरी आराधना केर!’”

यीशुए तैस सेइं ज़ोवं, “(नईं, अवं छाल न मारेलो, किजोकि) परमेशरेरी किताबी मां एन भी लिखेरूए, ‘तू प्रभु अपने परमेशरे अज़मैइश इन साबत केरनेरी कोशिश न केर कि तै अपने वाधे पूरे केरते या नईं।’”

तैल्‍ला पत्ती, पवित्र आत्मा यीशु सुनसान ठैरी मां नियो, ताके शैतान तैसेरी अज़मैइश केरे। 40 दिहाड़े ते 40 रातन किछ न खानेरां पत्ती तैस ढ्लुख लग्गी।

यीशुए तैन सेइं ज़ोवं, “एज्जा मेरे चेले बना। अवं तुसन शिखालेलो कि केन्च़रां होरे मैन्हु मेरे चेले बनानेन।” तैना अकदम अपना ज़ालां छ़ेडतां यीशु पत्ती च़ले जे।

तेइसेरू देंतू यीशुए परमेशरेरी खबर लोकन प्रचार केरनेरी सेवा शुरू की। तैनी लोकन ज़ोवं, “अपने पापन करां मन फिराथ, किजोकि सुर्गेरू राज़ नेड़े एवरूए।”