Popular Bible Verses from Pʉɔ-Lɔ́mɑ 7

শেয়ার

Sɛ́ ɡʉnɛ ńtɔ́ tsɛtú ńcẅɛɛtɛ wɑ́ɑ. Ńdɛɛtɛ nǔu Tsɑpʉɔ wɛkŋɛ Yɛ́su Kɛlístɔ, ɡúꞌlɛ pɔ́ mbɔ̌ wɛ́. Ɛ́ pɔ́Ꞌɔ, jínu yɑ́ɑ pɔ́ ɛ́sẅíi wɑ́ɑ ŋɡɔ mɔ ɡẅɛɛnɛ nɛpʉ́ʉ-Sɛ́, lɑ́ mbɑp-mbʉʉ-ŋumɛsɔŋ yi ŋ ɡẅɛɛnɛ pɔ́ ńtsʉ́ʉnɛ wɑ́ɑ ŋ kúꞋlɛ pɔ nɛpʉ́ʉ-nu kɛpɔŋ.

Mɔ sɛ́ ńjí ŋɡɔ nu sʉ́Ꞌnɛ ŋkɑɑnɛ wɑ́ɑ jʉ́, n dɑꞋ mɔ ŋumɛsɔŋ ẅi n zɑŋɛ zɑŋɛ́nɛ. N tsɑ́ɑ nɛɡɛ nu sʉ́Ꞌnɛ ŋkɑ́ tsʉʉ lɑ́ ŋ́kɛ́ mbɔɔ kuꞋ nɛɡɛ pɔ́.

Ŋ kɑ́ pɔ́ ŋ́ɡɛ nu sʉ́Ꞌnɛ yi mɔ sɛ́ ńtsɑ́ɑ nɛɡɛ pɔ́, ŋ ɡɛ pɔ nu kɛpɔŋ yi mɔ sɛ́ ḿbɔɔ ńtsɑ́ɑ pɔ́.

Ɛ́ lɑɑ ḿbɔ́ yi mɔ sɛ́ ŋ́ɡɛ yúu mi ŋ kɑ́ pɔ́ ńtsɑ́ɑ nɛɡɛ pɔ́, mbɔ mɔ kɑ́nɛ pɔ́ ŋ́ɡɛ pɔ́, nu kɛpɔŋ yi ɛ́ kɑ jʉ́ mɔ́ wɑ́ɑ ɡɛnɛ.

N dɔk pɔ́Ꞌɔ, ńjʉ́ɔ ŋɡɔ ŋɡɔŋ ŋkɑ́ tsʉʉ, ŋ ɡɔ mɔ ŋ́ɡɛ nu sʉ́Ꞌnɛ, nɑ́ɑ nɛpʉ́ʉ pɔ́ ŋɡɔ ŋ ɡɛ pɔ nu kɛpɔŋ. Mɔ kwɑꞋ tsɛt tʉ́m mɔ, nɛpʉ́ʉ-Sɛ́ pɔŋ wɑ́ɑ tɛꞋ.

Ɛ́ lɑɑ ḿbɔ́ yi ŋ kɑ pɔ́ ŋ́kɔŋ yúu mi mɔ sɛ́ ŋ́ɡɛ pɔ́, mbɔ mɔ ńdɔk pɔ́Ꞌɔ, ḿbɛ́m ŋɡɔ nɛpʉ́ʉ pɔŋ.