<div class="version vid2835 iso6393ace" data-vid="2835" data-iso6393="ace">
 <div class="book bkEXO">
 <div class="chapter ch40" data-usfm="EXO.40">
 <div class="label">40</div><div class="s">Khimah Tuhan teupeudong dan teupeu khusos keu Tuhan</div><div class="p"> 1 Tuhan meufeureuman ubak Nabi Musa, 2&#8220;Peudong kheueh Khimah L&#244;n bak tanggai sa buleuen sa. 3Pasoe kheueh lam Peuto Peujanjian nyang meuasoe Siploh Peurintah dan pasang kheueh tudong ija dikeue jih nyan. 4Keubah kheueh meuja deungon peuleungkapan jih. Peutamong teuma gaki pany&#246;t dan tot kheueh pany&#246;t nyan. 5Peuduek kheueh miseubah m&#233;uh teumpat tot dupa dikeue Peuto Peujanjian, dan gantung kheueh tabeng dikeue pintoe Khimah. 6Peuduek kheueh miseubah keu keureubeuen nyang teutot dikeue pintoe Khimah. 7Keubah kheueh bak i&#233; lamkawan Khimah ngon miseubah nyan, lheueh nyan pasoe kheueh ngon i&#233;. 8Lheueh nyan pasang kheueh layeue nibak silingka peulataran Khimah, dan gantung teuma tir&#233;e pintoe geureubang peulataran.</div><div class="p"> 9&#211;h lheuehnyan Khimah dan banmandum peuleungkapan jih har&#244;h gata peuseumah ubak Ul&#244;n deungon cara teuboh miny&#233;uk ngon miny&#233;uk upacara, deungon nyan banmandum nyan teupeukhusos keu Ul&#244;n. 10Peuseumah kheueh miseubah dan banmandum peuleungkapan jih deungon cara nyan, mangat banmandum nyan teupeukhusos keu Ul&#244;n. 11Peubuet lag&#233;enyan cit teuma deungon bak i&#233; dan keunaleueng jih.</div><div class="p"> 12&#211;h lheuehnyan, yue kheueh ubak Nabi Harun dan aneu&#235;k-aneu&#235;k jih jijak ubak babah pintoe Khimah lheueh nyan laju jirhah droe. 13Peungui kheueh peukayan imeum ateueh Nabi Harun, dan boh kheueh miny&#233;uk ateueh jihnyan mangat jeuet jihnyan teupeukhusos jipeutimang Ul&#244;n sibagoe imeum. 14Lheueh nyan yue kheueh aneu&#235;k-aneu&#235;k jih mangat jipeurab, dan peusok kheueh baj&#233;e panyang jaroe bak awaknyan. 15Lheueh nyan boh kheueh miny&#233;uk ateueh awaknyan lag&#233;e gata boh miny&#233;uk ateueh ureu&#235;ng syiek jih, mangat awaknyan pi hase jipeutimang Ul&#244;n sibagoe imeum. Deungon na upacara teuboh miny&#233;uk nyan, suk&#233;e awaknyan treun meutruem jeuet jimat jabatan sibagoe imeum.&#8221;</div><div class="p"> 16Nabi Musa geupeubuet banmandum nyan lag&#233;e nyang geupeurintah l&#233; Tuhan. 17Teuma nibak tanggai sa buleuen sa nibak thon nyang keudua &#243;h ka lheueh bansa Israel jitinggai nanggroe Meus&#233;, Khimah Tuhan nyan teupasang. 18Nabi Musa geukeubah keunaleueng-keunaleueng jih, geupeudong rungka-rungka jih, geupeudab kay&#233;e-kay&#233;e linteung jih, dan geupeudong tam&#233;h-tam&#233;h jih. 19Lheuehnyan jileueng kheueh bubong Khimah deungon sinut&#244;b siblaih u luwa di ateueh nyan lag&#233;e nyang geupeurintah l&#233; Tuhan. 20Lheueh nyan bandua bat&#233;e nyan jipeutamong lam Peuto Peujanjian. Laju l&#233; Nabi Musa geupasang sinut&#244;b Peuto nyan dan geupeutamong kay&#233;e geunulam u dalam gleung jihnyan. 21Lheuehnyan laju jipeutamong Peuto nyan u dalam Khimah dan geugantung ija silubong dikeue nyan, lag&#233;e nyang geupeurintah l&#233; Tuhan ubak gobnyan.</div><div class="p"> 22&#211;h lheuehnyan Nabi Musa geukeubah meuja lam Khimah, siblaih utara blaih luwa ija, 23lheueh nyan ateueh meuja nyan geukeubah teuma ruti sajian. 24Gaki pany&#246;t geukeubah lam Khimah, blaih u seulatan, meuhadab keu ngon meuja nyan, 25lheuehnyan, pany&#246;t-pany&#246;t nyan laju geutot dikeue Tuhan. 26Miseubah m&#233;uh geukeubah lam Khimah, dikeue ija, 27lheuehnyan geutot laju dupa mangat b&#233;e lag&#233;e nyang geupeurintah l&#233; Tuhan ubak Nabi Musa. 28Nabi Musa geugantung tir&#233;e pintoe di Khimah, 29dan dikeue pintoe nyan geukeubah teuma miseubah keu keureubeuen nyang teutot. Di ateueh miseubah nyan geupeuseumah keureubeuen nyang teutot dan keureubeuen sajian. 30Kulah peurunggu geukeubah teuma di lamkawan Khimah ngon miseubah nyan, laju kulah nyan geupasoe ngon i&#233;. 31Nabi Musa, Nabi Harun dan aneu&#235;k-aneu&#235;k gobnyan geurhah jaroe dan gaki gobnyan nibak teumpat nyan, 32tieb-tieb wat&#233;e awaknyan jitamong u dalam Khimah Tuhan atawa jipeurab bak miseubah. 33Bansilingka Khimah dan miseubah nyan Nabi Musa geupasang layeue, laju gobnyan geugantung tir&#233;e pintoe geureubang peulataran. Deungon lag&#233;e nyan seuleusoe kheueh banmandum buet nyan.</div><div class="s">Awan peunoh jit&#244;b Khimah Tuhan</div><div class="r">(Teu. 9:15-23)</div><div class="p"> 34 # 
 1Raj. 8:10-11; Yes. 6:4; Yeh. 43:4-5; Why. 15:8 &#211;h lheuehnyan jitreun kheueh awan jit&#244;b Khimah Tuhan, dan Khimah nyan peunoh ngon cahya Tuhan teuka. 35L&#233; sababnyan Nabi Musa hana hase geutamong lam Khimah nyan. 36Tieb-tieb awannyan ji&#233;k nibak ateueh Khimah Tuhan, bansa Israel laju jireuloih khimah-khimah jih keu jiminah u teumpat la&#233;n. 37Teuma, meunyoe awannyan hana ji&#233;k, awaknyan hana jiminah nibak teumpat nyan. 38Simantong bansa Israel jiminah-minah teumpat, Tuhan na nibak Khimah nyan lam hi awan &#243;h wat&#233;e uroe dan lam ji apui &#243;h wat&#233;e malam.</div>
 </div>
 </div>
</div>

Old and New Testament in Today's Aceh Language @ LAI, 1997.

TUHANTUHAN
TUHAN meufeureuman ubak Nabi Musa, “Peudong kheueh Khimah Lôn bak tanggai sa buleuen sa. Pasoe kheueh lam Peuto Peujanjian nyang meuasoe Siploh Peurintah dan pasang kheueh tudong ija dikeue jih nyan. Keubah kheueh meuja deungon peuleungkapan jih. Peutamong teuma gaki panyöt dan tot kheueh panyöt nyan. Peuduek kheueh miseubah méuh teumpat tot dupa dikeue Peuto Peujanjian, dan gantung kheueh tabeng dikeue pintoe Khimah. Peuduek kheueh miseubah keu keureubeuen nyang teutot dikeue pintoe Khimah. Keubah kheueh bak ié lamkawan Khimah ngon miseubah nyan, lheueh nyan pasoe kheueh ngon ié. Lheueh nyan pasang kheueh layeue nibak silingka peulataran Khimah, dan gantung teuma tirée pintoe geureubang peulataran.
Óh lheuehnyan Khimah dan banmandum peuleungkapan jih harôh gata peuseumah ubak Ulôn deungon cara teuboh minyéuk ngon minyéuk upacara, deungon nyan banmandum nyan teupeukhusos keu Ulôn. Peuseumah kheueh miseubah dan banmandum peuleungkapan jih deungon cara nyan, mangat banmandum nyan teupeukhusos keu Ulôn. Peubuet lagéenyan cit teuma deungon bak ié dan keunaleueng jih.
Óh lheuehnyan, yue kheueh ubak Nabi Harun dan aneuëk-aneuëk jih jijak ubak babah pintoe Khimah lheueh nyan laju jirhah droe. Peungui kheueh peukayan imeum ateueh Nabi Harun, dan boh kheueh minyéuk ateueh jihnyan mangat jeuet jihnyan teupeukhusos jipeutimang Ulôn sibagoe imeum. Lheueh nyan yue kheueh aneuëk-aneuëk jih mangat jipeurab, dan peusok kheueh bajée panyang jaroe bak awaknyan. Lheueh nyan boh kheueh minyéuk ateueh awaknyan lagée gata boh minyéuk ateueh ureuëng syiek jih, mangat awaknyan pi hase jipeutimang Ulôn sibagoe imeum. Deungon na upacara teuboh minyéuk nyan, sukée awaknyan treun meutruem jeuet jimat jabatan sibagoe imeum.”
Nabi Musa geupeubuet banmandum nyan lagée nyang geupeurintah lé TUHAN. Teuma nibak tanggai sa buleuen sa nibak thon nyang keudua óh ka lheueh bansa Israel jitinggai nanggroe Meusé, Khimah TUHAN nyan teupasang. Nabi Musa geukeubah keunaleueng-keunaleueng jih, geupeudong rungka-rungka jih, geupeudab kayée-kayée linteung jih, dan geupeudong taméh-taméh jih. Lheuehnyan jileueng kheueh bubong Khimah deungon sinutôb siblaih u luwa di ateueh nyan lagée nyang geupeurintah lé TUHAN. Lheueh nyan bandua batée nyan jipeutamong lam Peuto Peujanjian. Laju lé Nabi Musa geupasang sinutôb Peuto nyan dan geupeutamong kayée geunulam u dalam gleung jihnyan. Lheuehnyan laju jipeutamong Peuto nyan u dalam Khimah dan geugantung ija silubong dikeue nyan, lagée nyang geupeurintah lé TUHAN ubak gobnyan.
Óh lheuehnyan Nabi Musa geukeubah meuja lam Khimah, siblaih utara blaih luwa ija, lheueh nyan ateueh meuja nyan geukeubah teuma ruti sajian. Gaki panyöt geukeubah lam Khimah, blaih u seulatan, meuhadab keu ngon meuja nyan, lheuehnyan, panyöt-panyöt nyan laju geutot dikeue TUHAN. Miseubah méuh geukeubah lam Khimah, dikeue ija, lheuehnyan geutot laju dupa mangat bée lagée nyang geupeurintah lé TUHAN ubak Nabi Musa. Nabi Musa geugantung tirée pintoe di Khimah, dan dikeue pintoe nyan geukeubah teuma miseubah keu keureubeuen nyang teutot. Di ateueh miseubah nyan geupeuseumah keureubeuen nyang teutot dan keureubeuen sajian. Kulah peurunggu geukeubah teuma di lamkawan Khimah ngon miseubah nyan, laju kulah nyan geupasoe ngon ié. Nabi Musa, Nabi Harun dan aneuëk-aneuëk gobnyan geurhah jaroe dan gaki gobnyan nibak teumpat nyan, tieb-tieb watée awaknyan jitamong u dalam Khimah TUHAN atawa jipeurab bak miseubah. Bansilingka Khimah dan miseubah nyan Nabi Musa geupasang layeue, laju gobnyan geugantung tirée pintoe geureubang peulataran. Deungon lagée nyan seuleusoe kheueh banmandum buet nyan.
TUHAN

Óh lheuehnyan jitreun kheueh awan jitôb Khimah TUHAN, dan Khimah nyan peunoh ngon cahya TUHAN teuka. Lé sababnyan Nabi Musa hana hase geutamong lam Khimah nyan. Tieb-tieb awannyan jiék nibak ateueh Khimah TUHAN, bansa Israel laju jireuloih khimah-khimah jih keu jiminah u teumpat laén. Teuma, meunyoe awannyan hana jiék, awaknyan hana jiminah nibak teumpat nyan. Simantong bansa Israel jiminah-minah teumpat, TUHAN na nibak Khimah nyan lam hi awan óh watée uroe dan lam ji apui óh watée malam.

শুনুন KEULUARAN 40