آيات مشهورة من الكتاب المقدس منमुलिचेला टोॽवा 3

हिट्‌डेउङ् हाट्‌ले खानि काएल्-काबु लिसानिउङ् खानि पापलाम्‍मा माङ्‌हाङ्‌लेङ् नोक्‍टानि, हिट्‌नुङ् उन्‍ङा खानि पाप माटुगिबिडिटि॥ हिट्‌नुङ् माङ्‌हाङ्‌लाम्‍मा खानिङा हाङ्‌हाङ् हिट्‌नुङ् बोल् आटोगुम्‍टुम्॥

पाटरुसङा लोडुए, “आङालोक् साम्‍मेङ् रुपाक् वाइना, टरो आङालोक् जे युङ्‌ग्‍वा हिट्‌ना डोक् पिनाँ॥ नासारातङिना येसु खिरिस्‍टङा उनिङ्‌ङि कोबाउङ् लाम्‌टिया॥”

हिट्‌नुङ् पाटरुसङा हिट्‌ना लोङ्‌लेन् उछुप्‍टाङ् उमुक्‌ङि लाबुङ् फोगुए॥ हिट्‌ना बेला डोक् हिट्‌ना याप्‌मिङाना उलाङ् उमुक् नुमानिङ् लिसे, हिट्‌नुङ् लाम्‌टिमाना बोल् टोगुए॥ हिट्‌नुङ् उन् कोबाउङ् फोट्‌रोक् फोट्‌रोक् आम्‍सा लाम्‌टिए॥ हिट्‌नुङ् फोट्‌रोक् फोट्‌रोक् आम्‍सा माङ्‌हाङ्‌ङाना उनिङ् चोन्‍सा पाटरुस हिट्‌नुङ् युहान्‍नालोक् माङ्‌ठानाङि खाडे॥

हिट्‌नुङ् ना खानिङा मिसेन् आनिसुम्‍ना याप्‌मि येसु उनिङ्‌ङि बिस्‍वास चोगुना हिट्‌नुङ् उनिङ्‌ङि डोक् बोल्‍लेउ लिसाना खानिङा आनिसुम्‍मे॥ ना याप्‌मिङा येसु उनिङ्‌ङि बिस्‍वास चोगुनाँ नाहि खानि टोकानाङि डोक् नुए॥