آيات مشهورة من الكتاب المقدس من1 Pedr 4

Yn bwysicach na dim, daliwch ati i ddangos cariad dwfn at eich gilydd, am fod cariad yn maddau lot fawr o bechodau .

Mae Duw yn ei haelioni wedi rhannu rhyw ddawn neu’i gilydd i bob un ohonoch, a dylech wneud defnydd da ohoni drwy wasanaethu pobl eraill.

Dylai pwy bynnag sy’n siarad yn yr eglwys ddweud beth mae Duw am iddo’i ddweud. Dylai pwy bynnag sy’n gwasanaethu pobl eraill wneud hynny gyda’r nerth mae Duw yn ei roi. Wedyn bydd Duw yn cael ei ganmol a’i addoli drwy’r cwbl, o achos beth wnaeth Iesu Grist. Ie, fe sydd biau’r anrhydedd i gyd, a’r grym hefyd, a hynny am byth! Amen!

Ond peidiwch bod â chywilydd os ydych chi’n dioddef am fod yn Gristion – dylech ganmol Duw am i chi gael y fraint o’i gynrychioli.

Bydd popeth yn dod i ben yn fuan. Felly cadwch eich meddwl yn glir ac yn effro wrth weddïo.

Ffrindiau annwyl, peidiwch synnu eich bod chi’n mynd drwy’r ffwrn dân ar hyn o bryd, fel petai rhywbeth annisgwyl yn digwydd i chi. Dylech chi fod yn hapus am eich bod yn cael dioddef fel y gwnaeth y Meseia. Pan fydd e’n dod i’r golwg eto yn ei holl ysblander cewch brofi llawenydd cwbl wefreiddiol.

Agorwch eich cartrefi i’ch gilydd – bod yn groesawgar, a pheidio cwyno.

Felly, os dych chi’n dioddef am mai dyna ewyllys Duw, dylech ymddiried eich hunain i ofal y Duw ffyddlon wnaeth eich creu chi, a dal ati i wneud daioni.

Felly, am fod y Meseia wedi dioddef yn gorfforol, byddwch chithau’n barod i wneud yr un peth. Mae’r rhai hynny sy’n barod i ddioddef yn gorfforol wedi troi cefn ar bechod. Yn lle byw gweddill eich bywydau yn ceisio bodloni eich chwantau dynol, gwnewch beth mae Duw eisiau.

Mae’n fendith fawr i chi gael eich sarhau am eich bod yn dilyn y Meseia, am ei fod yn dangos fod Ysbryd yr Un gogoneddus, sef Ysbryd Duw, yn gorffwys arnoch chi.