آيات مشهورة من الكتاب المقدس منTa je huliwa 2

Haingö Peteru kodra, ka habe, Ietra ju, mʼ adre me ve bapataisoi öbun hnyi iö Iesu Keriso, mʼ adre me thang degecâ but anyibun ta je hulo; me öbun e he bi ka kap bwihlany a Hanu Kap.

Ke adre me tethmâ hnyi hna ûne hnen je aposetolo, me tha hnyok, me susubâ areto me hic.

Me ödrin e unöngöt hia thö ge Hanu Kap, me hwân he ka fuc hnyi je ve hwen hnyei bi, helâ me hnen Hanu hna ham ködrin he ka fuc.

Ke ame o uthmâhmâ but lung ûnyi hnyi drany, helâ me ang ame hmuhmu, me öunongötâ thö uma hia wale ödrin e laba hnyin. Me ame manen dut ködrin je bohmen ae vheivhei, ke helâke meic; ke ame ve laba hudrin. Me ödrin e unöngöt hia thö ge Hanu Kap, me hwân he ka fuc hnyi je ve hwen hnyei bi, helâ me hnen Hanu hna ham ködrin he ka fuc.

Ke adre me laba bala me hnyok a khaca hnyin uma kap hnyi je bong, me susubâ areto hnyi ke uma me ke uma, me an ö ʼdra jeû me senyin me hnyok a khaca, me oganâ Khong, ke ame betenge gadra tavat hia. Ke haba Than ame bi hanen kodra hnyi je bong tavat adre me he ka möt.

Haingen Khong, ka habe, Hnyi ta je bong a biliny, Oge me he ka hingâlâ hanuk hon tavat hia thithö: Ke amer he lakubun obaga me wahlu ka perofeta, Ke ame he lakubun wahidröu ka wâ je hna omanenâ, Kʼ ame he wahingatibun ka bwo ta je bwi.

Ke ame tha laba tavat hia adre me labageju, ke adre me ve ip anyidra ta je ûnyi, me ka tha anyidra thibi; ke adre me ve ûco idra ta hnyei, ke ta je omjehedra, me ve khenâ oûco ka tavat hia ae theduoc.

Ke ame he ka möt tavat hia adre me he ka hawâ ien Than.

Adre me he ka bödra ka wia seûno me me lit bi, Me tehi me me dra, Me ame he ka o but bong bongon Than, Wale bong ae gan me lung