آيات مشهورة من الكتاب المقدس منMateo 17

*Ndá ndáchro chꞌin Jesús: ―Jahara la kjuáchahyara kuakítsjera ti ncha̱kuén jínahña kixin kanhñó titekáonra ti janhan. Chaxín ndáxrja̱n kixin ti chrókuitekáonra ti janhan, kjónté intsíkoá éxi ijnko itje mostaza, la chróndáchera ti ijna̱ í: “Sátjixian ntihi la sáchrokjui.” Mé xi̱kaha kaín nkehe chrókjuachara chrókjui̱chꞌera ti chaxín chrókuitekáonra ti janhan.

*A̱ndá na̱xa̱ tenixja chꞌin Pedro, la ikui ijnko itji̱ imá tjáki̱ni chritaón ti ijna̱ tjejó sin. La chríkjan ti itji̱ mé kuíhin sin itén ijnko nkexro níxja, ndáchro: ―Tíhi mé xja̱na. Imá tjua̱ha̱ la ko chàna kixin itjen chꞌan. Tihínra ti nkehe tjako chꞌan.

Ndá kjuáte̱he chꞌin Jesús, ndáchro: ―Jahara la chaxínhña titekáonra ti janhan la ko nduáhya tjénka̱yáxinra. ¿Xá hasta nkesá tjinkáonra tsꞌejóni? ¿Hasta nkesá tsjakꞌé tsjákohára? Xrákoana ti xjan ―ichro chꞌan. Ndá kꞌue̱tue̱hen chꞌan ti ncha̱kuén jínahña la ti ncha̱kuén jínahña la tuénxín kꞌuaxrjexín ti chájan la kuíto̱he chꞌan jína.