စံးထီၣ်ပတြၢၤ 70

တၢ်ထုကဖၣ်လၢတၢ်မၤစၢၤအဂီၢ်

(စံး. ၄၀:၁၃-၁၇)

1ကစၢ်ယွၤဧၢ, မၤပူၤဖျဲးယၤတက့ၢ်.

ယွၤဧၢ, မၤချ့ချ့လၢနကမၤစၢၤယၤတက့ၢ်.

2ပှၤလၢအဃုယသးသမူတဖၣ်န့ၣ်

မ်အဘၣ်တၢ်မၤမဲာ်ဆှးဒီး

ဘၣ်တၢ်မၤကဒံကဒါအီၤန့ၣ်တက့ၢ်.

ပှၤလၢအဆၢမၤဆါယၤန့ၣ်

မ်အဝဲသ့ၣ်ဂုၤက့ၤဆူအလီၢ်ခံဒီး

ဘၣ်တၢ်မၤဟးဂီၤအလၤကပီၤန့ၣ်တက့ၢ်.

3ပှၤလၢအစံး, အၣ်ဟါ, အၣ်ဟါန့ၣ်

မ်အဘၣ်တၢ်မၤပျံၤမၤဖုးအီၤလၢ

အတၢ်မဲာ်ဆှးအဃိန့ၣ်တက့ၢ်.

4ပှၤလၢအဃုနၤခဲလၢာ်န့ၣ်

မ်အသူၣ်ဖှံသးညီဒီးသူၣ်ခုသးခုလၢနပူၤတက့ၢ်.

မ်ပှၤလၢအအဲၣ်နတၢ်အုၣ်က့ၤခီၣ်က့ၤတဖၣ်န့ၣ်

စံးဝဲထီဘိ “ကစၢ်ယွၤန့ၣ်ဒိၣ်ဝဲ” န့ၣ်တက့ၢ်.

5ယမ့ၢ်ပှၤဖှီၣ်ဖိယာ်ဖိဒီး

ပှၤလိၣ်ဘၣ်တၢ်မၤစၢၤန့ၣ်လီၤ.

ကစၢ်ယွၤဧၢ, မၤချ့ချ့လၢယဂီၢ်န့ၣ်တက့ၢ်.

နမ့ၢ်ယတၢ်မၤစၢၤဒီးပှၤမၤပူၤဖျဲးယၤလီၤ.

ယွၤဧၢ, မၤယံာ်မၤနီၢ်နသးတဂ့ၤ.

በአሁኑ ጊዜ የተመረጠው፡

စံးထီၣ်ပတြၢၤ 70: KSWC

ማድመቅ

ኮፒ

አወዳድር

ያጋሩ

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች