Proverbios 29
29
1Ti nkexro tjinkakonhña tsoxrenduéhe,
la tjoka tsꞌitjáña la kohya ninkexró tsjinki̱tsa.
2Ti tsꞌe̱to̱an ijnko nkexro ndoá itjen, la kaín ti chojni tjejó ti chjasin la tso̱chéhe̱.
A̱ndá ti tsꞌe̱to̱an ijnko chojni jínahña la kaín ti chojni la tsjasóte sin.
3Ti nkexro tjinkaon kjuaxrexinkaon jína la sinchechéhe̱ ti itꞌé;
a̱ndá ti nkexro xriko ti chojnichjin nduáhya ixri la sinchekꞌitjáña kaín ti chichaon chónta.
4Ti rey jína tꞌe̱to̱an la jína itjen ti chjasin kuènté;
a̱ndá ti nkexro jehó tjanchia itsjé chichaon tsꞌáyéhe̱ la sinchekꞌitjáña ti chjasin a.
5Ti nkexro imá tjikosáyehe ti nkexro tꞌiton,
la tsjacha sin tsjachròe sin kixin tsjasin ijie̱ kixin kjuakꞌe sin ijnko tóye̱ chrókꞌuitsínkayá ti nkexro a.
6Ti chojni tjenka̱yáxinhña ti nkehe jína la jehó tjeyá sin ti nkehe tsꞌitjáñaxín sin;
a̱ndá ti chojni jína la chéhe̱ sin la ko itsje sin.
7Ti nkexro jína la xráxinkaon ti chojni nóa;
a̱ndá ti chojni jínahña la tjiatéhya sin nkehe tꞌatsínka ti sin nóa.
8Ti chojni xritꞌándaxín la tjasin sin kjuanínkaon ti chjasén sin;
a̱ndá ti chojni chónta kjuaxrexinkaon la tjasiyóxin sin ti kjuanínkaon.
9Ti chojni nohe, tsjajo̱nko ijnko chojni lo̱nti̱
la ti tso̱jié ti kjuanínkaon la í xitjahya tso̱yóxin.
10Ti chojni tjàya la tjinkakonhña ti nkexro tjenka̱yáxin ti nkehe jína;
la tjinkaon sin tsꞌóñá sin ti sin jína.
11Ti chojni lo̱nti̱ la xra̱hya tónínkaon;
a̱ndá ti chojni nohe la tꞌe̱tue̱hen a̱sén kixin tso̱nínkakonhña.
12Ti ijnko nkexro tꞌe̱to̱an tienxín ti kjuachꞌia
la kaín ti sin chꞌehe ixra̱ la sichꞌe sin ti nkehe jínahña.
13Ti chojni nóa la ko ti chojni nchekjasóte ti jehe sin
la Itꞌéni Díos kjuajon kjuachaxin kixin tsꞌejó yóí sin.
14Ti rey ndoá tꞌe̱tue̱hen ti sin nóa
la ti kjuachaxin kuènté chꞌan la nkochríxín tsjakꞌe.
15Ti ijnko inta vara xrenduéexin ijnko chájan la a̱ntsí tsꞌitja tsochónta kjuaxrexinkaon;
a̱ndá ti chájan chóntahya kjuasàya la jehó sinchesuéhe̱ ti ìñé.
16Ti siín nchónhña chojni nduáhya tjenka̱yáxin la tsꞌixin nchónhña ijie̱;
kjánchó ti chojni ndoá tjejó la tsꞌikon sin nkexrín tsꞌitjáña ti sin a.
17Tjéntuéhé ti xja̱an landá kjuaxróxin tsjakꞌe
la ko tso̱chéhe̱ a̱sán.
18Ti kohya ijnko nkexro tsochronka ti nkehe tꞌe̱to̱an Díos tso̱hen;
la kohya kjuaxróxin ti chjasin,
a̱ndá ti sin titekaon ti nkehe tꞌe̱to̱an Díos la kjuaxróxin tsꞌejó sin.
19Ti nkexro lo̱nti̱ chꞌexín ixra̱ la ti tsonixje̱he̱ko̱a chojni kixin tsoxrenduéhe,
la tsienxín sin, kjánchó tsitekakonhña sin.
20Tsjehé ti nkexro tjenka̱yáxinhña ti nkehe nixja.
A̱ntsí jína chrónixja ijnko chojni lo̱nti̱ ke ti nkexro a.
21Ti nkexro tjue̱he ti nkexro ichꞌe ixra̱ ndesi xja̱ntsí;
landá chrꞌéxi̱n tsꞌáyéhe̱ sin kaín ti nkehe chónta.
22Ti chojni xra̱hya tónínkaon la xra̱hya tjasin kjuanínkaon;
ti chojni jie̱he la nchónhña ijie̱ tsjasin.
23Ti chojni nchehyéhyé a̱sén la tsochóntehya sin kjuasàya chrꞌéxi̱n;
a̱ndá ti sin nchejiéhya a̱sén la chrꞌéxi̱n tsꞌáyéhe̱ sin kjuasàya.
24Ti chojni xriko xíche̱e la tjue̱hya a̱sén;
kixin kjónté chrókꞌue̱to̱an ti chꞌin juez kixin tsjasóte ti nkexro la chrónkahya sin ti nkehe kóhen.
25Ti nkexro chráko̱nhe̱n chojni la tsꞌitsínka sin;
a̱ndá ti nkexro titekaon Itꞌéni Díos la jína tsꞌatsínka ti kjuaxikaon la tsaá.
26Nchónhña chojni xritjeyá kixin tsjinki̱tsa ti nkexro tꞌe̱to̱an,
kjánchó jehó Itꞌéni Díos mé chaxín ndoá nchekito̱exín kaín ijie̱.
27Ti chojni ndoá tjejó la tjinkakonhña sin ti chojni jínahña;
a̱ndá ti chojni jínahña la tjinkakonhña sin ti chojni ndoá ixri.
Currently Selected:
Proverbios 29: poeNTplus
ማድመቅ
ያጋሩ
አወዳድር
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2016, Wycliffe Bible Translators, Inc. All rights reserved.
Proverbios 29
29
1Ti nkexro tjinkakonhña tsoxrenduéhe,
la tjoka tsꞌitjáña la kohya ninkexró tsjinki̱tsa.
2Ti tsꞌe̱to̱an ijnko nkexro ndoá itjen, la kaín ti chojni tjejó ti chjasin la tso̱chéhe̱.
A̱ndá ti tsꞌe̱to̱an ijnko chojni jínahña la kaín ti chojni la tsjasóte sin.
3Ti nkexro tjinkaon kjuaxrexinkaon jína la sinchechéhe̱ ti itꞌé;
a̱ndá ti nkexro xriko ti chojnichjin nduáhya ixri la sinchekꞌitjáña kaín ti chichaon chónta.
4Ti rey jína tꞌe̱to̱an la jína itjen ti chjasin kuènté;
a̱ndá ti nkexro jehó tjanchia itsjé chichaon tsꞌáyéhe̱ la sinchekꞌitjáña ti chjasin a.
5Ti nkexro imá tjikosáyehe ti nkexro tꞌiton,
la tsjacha sin tsjachròe sin kixin tsjasin ijie̱ kixin kjuakꞌe sin ijnko tóye̱ chrókꞌuitsínkayá ti nkexro a.
6Ti chojni tjenka̱yáxinhña ti nkehe jína la jehó tjeyá sin ti nkehe tsꞌitjáñaxín sin;
a̱ndá ti chojni jína la chéhe̱ sin la ko itsje sin.
7Ti nkexro jína la xráxinkaon ti chojni nóa;
a̱ndá ti chojni jínahña la tjiatéhya sin nkehe tꞌatsínka ti sin nóa.
8Ti chojni xritꞌándaxín la tjasin sin kjuanínkaon ti chjasén sin;
a̱ndá ti chojni chónta kjuaxrexinkaon la tjasiyóxin sin ti kjuanínkaon.
9Ti chojni nohe, tsjajo̱nko ijnko chojni lo̱nti̱
la ti tso̱jié ti kjuanínkaon la í xitjahya tso̱yóxin.
10Ti chojni tjàya la tjinkakonhña ti nkexro tjenka̱yáxin ti nkehe jína;
la tjinkaon sin tsꞌóñá sin ti sin jína.
11Ti chojni lo̱nti̱ la xra̱hya tónínkaon;
a̱ndá ti chojni nohe la tꞌe̱tue̱hen a̱sén kixin tso̱nínkakonhña.
12Ti ijnko nkexro tꞌe̱to̱an tienxín ti kjuachꞌia
la kaín ti sin chꞌehe ixra̱ la sichꞌe sin ti nkehe jínahña.
13Ti chojni nóa la ko ti chojni nchekjasóte ti jehe sin
la Itꞌéni Díos kjuajon kjuachaxin kixin tsꞌejó yóí sin.
14Ti rey ndoá tꞌe̱tue̱hen ti sin nóa
la ti kjuachaxin kuènté chꞌan la nkochríxín tsjakꞌe.
15Ti ijnko inta vara xrenduéexin ijnko chájan la a̱ntsí tsꞌitja tsochónta kjuaxrexinkaon;
a̱ndá ti chájan chóntahya kjuasàya la jehó sinchesuéhe̱ ti ìñé.
16Ti siín nchónhña chojni nduáhya tjenka̱yáxin la tsꞌixin nchónhña ijie̱;
kjánchó ti chojni ndoá tjejó la tsꞌikon sin nkexrín tsꞌitjáña ti sin a.
17Tjéntuéhé ti xja̱an landá kjuaxróxin tsjakꞌe
la ko tso̱chéhe̱ a̱sán.
18Ti kohya ijnko nkexro tsochronka ti nkehe tꞌe̱to̱an Díos tso̱hen;
la kohya kjuaxróxin ti chjasin,
a̱ndá ti sin titekaon ti nkehe tꞌe̱to̱an Díos la kjuaxróxin tsꞌejó sin.
19Ti nkexro lo̱nti̱ chꞌexín ixra̱ la ti tsonixje̱he̱ko̱a chojni kixin tsoxrenduéhe,
la tsienxín sin, kjánchó tsitekakonhña sin.
20Tsjehé ti nkexro tjenka̱yáxinhña ti nkehe nixja.
A̱ntsí jína chrónixja ijnko chojni lo̱nti̱ ke ti nkexro a.
21Ti nkexro tjue̱he ti nkexro ichꞌe ixra̱ ndesi xja̱ntsí;
landá chrꞌéxi̱n tsꞌáyéhe̱ sin kaín ti nkehe chónta.
22Ti chojni xra̱hya tónínkaon la xra̱hya tjasin kjuanínkaon;
ti chojni jie̱he la nchónhña ijie̱ tsjasin.
23Ti chojni nchehyéhyé a̱sén la tsochóntehya sin kjuasàya chrꞌéxi̱n;
a̱ndá ti sin nchejiéhya a̱sén la chrꞌéxi̱n tsꞌáyéhe̱ sin kjuasàya.
24Ti chojni xriko xíche̱e la tjue̱hya a̱sén;
kixin kjónté chrókꞌue̱to̱an ti chꞌin juez kixin tsjasóte ti nkexro la chrónkahya sin ti nkehe kóhen.
25Ti nkexro chráko̱nhe̱n chojni la tsꞌitsínka sin;
a̱ndá ti nkexro titekaon Itꞌéni Díos la jína tsꞌatsínka ti kjuaxikaon la tsaá.
26Nchónhña chojni xritjeyá kixin tsjinki̱tsa ti nkexro tꞌe̱to̱an,
kjánchó jehó Itꞌéni Díos mé chaxín ndoá nchekito̱exín kaín ijie̱.
27Ti chojni ndoá tjejó la tjinkakonhña sin ti chojni jínahña;
a̱ndá ti chojni jínahña la tjinkakonhña sin ti chojni ndoá ixri.
© 2016, Wycliffe Bible Translators, Inc. All rights reserved.