ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ne migkaǥi zutun is NENGAZEN diyà te ki Moises te, “Duen pa sevaha he pigada he ebpeseǥazan ku te hadì wey te zuma he menge Ehiptohanen. Ne emun egkeseǥazan dan en haazà, ne human kew en edtuǥuti te hadì te kegenat puun kayi te Ehipto ne zutun kenè en kinahanglan he edhangyù kew ziyà te kandin su iyan en sikandin edsegseg keniyu.

Ne zutun he timpu ebpematey is kada pengenayan he maama kayi te Ehipto, puun te penganey he anak te hadì he iyan pezem ebpekeilis kandin pehendiyà te penganey he anak duen te uripen he vahi he pereǥaling wey is langun he penganey he anak te menge uyaǥen. Egkezineg kayi te tivuuk he Ehipto is mezaǥing he sineǥawan. Iyan heeyan kinemezeetan he egkehitavù kayi te Ehipto he wazè pa keenu meseǥazi ne kenè en egkeuman egkeseǥazi.

Daan he migkaǥi is NENGAZEN diyà te ki Moises te, “Kenè ka ebpemineǥen te hadì su para ikepeehè ku kayi te Ehipto is mezakel he menge vaal ku he egkengein-inuwan.”