ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Busa mipundo ang adlaw ug ang bulan hangtod nga napildi sa mga Israelinhon ang ilang mga kaaway. Kini nga hitabo nasulat sa Libro ni Jashar. Mipundo ang adlaw sa tunga-tunga sa langit, ug wala kini mosalop sa tibuok adlaw.

Sa adlaw nga gipadaog sa GINOO ang mga Israelinhon batok sa mga Amorihanon, nag-ampo si Josue sa GINOO. Ug miingon siya samtang namati ang mga Israelinhon, “Adlaw, pagpundo sa ibabaw sa Gibeon! Bulan, pagpundo sa ibabaw sa Walog sa Ayalon!”

Sukad-sukad wala pa gayoy nahitabo nga sama niini nga gidungog sa GINOO ang ingon niana nga hangyo sa tawo. Tinuod gayod nga nakig-gira ang GINOO alang sa Israel.

Miingon ang GINOO kang Josue, “Ayaw kahadlok kanila. Gitugyan ko na sila sa imong mga kamot. Walay bisan usa kanila nga makapildi kanimo.”

Miingon si Josue kanila, “Ayaw kamo kahadlok o kaluya. Lig-ona ang inyong kaugalingon ug pagmaisogon. Kay mao kini ang himuon sa GINOO sa tanan ninyong mga kaaway.”