ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Siya miingon: “Dalaygon ang ngalan sa Dios hangtod sa kahangtoran, kay iya man ang kaalam ug ang gahom. Siyay nagbuot sa dagan sa panahon; paphaon niya ang mga hari ug lain na usab ang iyang paharion; gikan kaniya ang kaalam sa mga maalamon ug ang kahibalo sa adunay panabot. Gipadayag niya ang tulukibon ug tinagong mga butang; makita niya ang gitabonan sa kangitngit, ug ang kahayag anaa kaniya.

Mitubag si Daniel, “Walay makinaadmanon o tawong may anting-anting o salamangkero o astrologo nga makahubad sa tanghaga nga gikalibgan sa hari. Apan may Dios sa langit nga nagpadayag sa mga tanghaga ug iyang gipadayag kang Hari Nabucodonosor ang mahitabo sa umaabot nga mga adlaw. Ang imong damgo ug ang mga panan-awon nga nakita mo samtang natulog ka mao kini

Sa panahon niining mga haria ang Dios magtukod ug usa ka gingharian nga dili gayod malumpag ug ang iyang gahom dili maagaw sa laing katawhan. Dugmokon niya kining mga ginghariana ug kini maoy ilang kataposan ug kining maong gingharian mobarog hangtod sa kahangtoran.