ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Nocon Ifo Diosin afanan Moisés yoini isca huaquin, —Natianfin un afanan Faraón yafi ahuun caifofo onaintimaicain. Ahuun unutaquin nan fusti un afanan ato onaintimai. Ascaino nan un ato onaintimaino ipaitama Egipcio mai anoshon mato nichishquicani. Ascashon mato yoishquicani isca huaquin, “Nocon mai anoashu fotacahuun,” ishon Faraón mato yoishquin.

Ascacun min caifo Egipciofo nantifi maton furu iyoafofo nai futsui. Ascafia min furu iyoafo chipo niaifo icuana natian arifi nai. Maton yonomatifoan aton furu iyoafofori nai futsui. Nantifi maton inafoan aton facu iyoafofori nai futsui. Ascano min mai Egipcio anoafori nantifi fasi ato manocani. Oi ashcafinin uaishquicani. Min mai anoashu tsoancai na omitsiscai cusca muyomisima. Afanancai ascapacunacama.

Moisés Faraonmaquinoashu cataima nocon Ifo Diosin yoini isca huaquin, —Faraoncai mia nicashquima. Ascacun uhuun curushhuunshon un ahuamamishti huatiro cusca nantifi Egipcio anoafoan oinshquicaniran, —ishon nocon Ifo Diosin Moisés yoini.