ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Maton facufori tapimacahuun. Maton pushu muran tsaoshon nocon Ifo Diosin mato yonoa cusca yoifain fain caquin yoifain racashon yoifain nan man funiaitian maton facufo yoicahuun.

Un mato nocon Ifo Diospan tsain tapimana cusca maton nomuran shinancoinfafaincahuun mato yonoa cusca aashcaquin. Nan maton yonoa cusca cunucahuun maton mucuqui munushumucain maton fumananquiri funushumucahuun ointiaquimashcaquima.

Ascano na shafata nocon Ifo Diosin mato yononi cusca un mato tapimana man nicasharafafainon. Man nocon Ifo Diosi maton ointi muranshon noifain maton nomuran man fasi noicoiaiton Diosin nan mai shara anoshon mato shara huashquin. Nantianri oi fumashquin nan oi fuaino mato fanafo foaisharanon. Maton fasi ushu foaisharacain maton uvafo foaiquin sharano ahuun unu ayafain nan olivofori foaisharano man shuni ichapaya itiro.

Maton Ifo Diosi noicoincahuun. Mato yonoa cusca nantifi nicasharafafaincahuun.

Na shafata un mato yoiai cusca mafi man catontiro nocon Ifo Diosin man tanasharaiton mato shara huanon iyamaraimain man tanayamaiton mato onaintimashquin. Na shafata nocon Ifo Diosin mato yonoa cusca un mato tapimai man nanscacoiainton mato shara huashquin. Ascafia nocon Ifo Diosin mato yonoa cusca un mato tapima man cachiquiri huaiton caifo futsafoan aton dios rami huafo man cufiainton nocon Ifo Diosin mato onaintimashquin.

Maton pushu shoi caincaiti ocuma rafu nocon Ifo Diosin mato yonoa cusca cunucahuun. Man nansca huaifin maton facufo fu nan mai shara ano man chai ipatiroquin. Nocon Ifo Diosin nocon shunifo yoini cusca marifi na mai shara ano mato inannon nanno man ipacunaca.

¡Ascafia oinfain! Futsafoan mato chaca huamapai. Aton dioscoinfoma rami huafo atohuun noiquin ratoconun mai chachishon ato cufiainfoanno. Marifi afo cufinyamacahuun.