ከ{{ምዕራፍ}} ታዋቂ የመጽሐፍ ቅዱስ ጥቅሶች

Náhí. Jahara tákjára ti kjuachaxin kuènté Ìnchéni Jesucristo tsjínki̱tsara éxi ijnko nkehe tsíkꞌóna chika chrókꞌuinka̱yára la ko chrókjuénka̱yáxinhñara ti nkehe jínahña ndáchro a̱sánra.

Kja̱xin chrókjuásikéhyara ninkexró. Nkoko̱a nkehe tjasikára jehó ti chrótjue̱héra kichuara kixin ti nkexro tjue̱he kícho la xi̱kaha nchexiteyá ti nkehe tꞌe̱to̱an ley.

Kaín chojni ticháxi̱n sinchexiteyéhe sin ti sin gobierno kixin ti kjuachaxin chónta ti sin a la Díos tsíkjajon, kixin kohya nijnko gobierno chrókꞌuejó ti jehya kjuachaxíen Díos.

Ijie la ti sítie la í séhya tsjakꞌe kixin ó itsi ti tꞌinkaséña, la chrókuíto̱heni ti nkehe nduáhya kuènté ti sítie la chróchóntani kjuachaxin kuènté Ncha̱kuén Díos kixin tíha mé tsjinki̱tsa tsꞌajini ti tꞌinkaséña. Méxra̱ tsꞌónani éxi ijnko soldado tꞌinkáyate ika tsíkꞌóna chika kixin kohya nkehe tso̱heni.

Ti chojni tjue̱he kícho la ninkehó nkehe jínahña chꞌehya kícho. Méxra̱ chrótjue̱héra kichuara la xi̱kaha chróxiteyá kaín ti nkehe nixja ti ley.

Kja̱xin jahara chrókjuénke̱héra kaín chojni tjásikéhéra. Ti nkexro síká kuènté nonte la chrókjue̱nka̱ sin kuènté ti nonte, la ko ti nkexro síká kuènté ichrén nkehe nchekji, la chrókjue̱nka̱, la kja̱xin ti chrókjuíkosáyehéra chojni, la chaxín tjikosayehéra sin.