ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Janhan la éxi ikꞌuén kixin kꞌuenki̱a̱n Cristo ti kjuákꞌenkáni chꞌan ntacruz, A̱ndá ijie la jehya janhan tjéchua̱n. Cristo mé tjéchónxia̱n janhan. Ijie la tjéchónxia̱n ti cuerpo chonta kixin tinkachónkia ti Xje̱en Díos kixin jehe chꞌan la tjua̱na chꞌan la kꞌuenyákohe̱n chꞌan ti janhan.

Tjínka̱konhña tsi̱to̱ha̱ ti tjua̱na Díos. Kixin ti chrókjuacha ti ley chrókꞌóxika iji̱é chojni la kjá chónkó ikꞌuén Cristo ti xi̱kaha.

Jeheni la tsíkꞌaxrjeníxini chojni judío la jehya kꞌuaxrjeníxini chojni jehya judío chónta nchónhña ijie̱. *Kjánchó noheni kixin ti nkehe tsíkꞌe̱to̱an Moisés la xrokjuahya tsꞌóxika ti iji̱éni, kixin ti sin tsjìin ti iji̱é mé jehó ti sin tinkáchónki Jesucristo. A̱ndá jeheni la tinkáchónkini Ìnchéni Jesucristo kixin tjinkaoni tsꞌóxika chꞌan ti iji̱éni kixin titekaoni chꞌan. A̱ndá ti ley la tsjachahya tsꞌóxika ti iji̱é chojni.