ከ{{ምዕራፍ}} ታዋቂ የመጽሐፍ ቅዱስ ጥቅሶች

A̱ndá chrꞌéxi̱n la kaíni tjejóchóni la ko kaín ti sin tsíxechón mé nkoko̱a sátsji̱ni chríkjan itji̱ la ntiha tsoxétani Ìnchéni ndá xi̱kaha tsꞌejókoni chꞌan nkochríxín.

Kixin Ìnchéni mé tsꞌinkaji̱xi̱n nka̱jní la itsen tsonixja chꞌan kixin ti kjuachaxin ijié chónta chꞌan la tsꞌèya ti ángel tꞌe̱to̱an la ko tsondáchro ti trompeta kuènté Díos. A̱ndá kaín ti sin tsíkꞌen kuitekaon Ìnchéni Jesús la tsoxechón sin sa̱o sin.

Ti nkehe tjinkaon Díos la tjóá la ko jína chrókꞌuejora, la chrókjuásinkoáhyara ijie̱ íjnko chojnichjin. Méxra̱ chrókónohara chróchontara nkojnko ichjiánra la ko jína chrókꞌuejora, chrótjue̱héra kichuara

Kixin ti titekaoni kixin Ìnchéni Jesús la ikꞌuén la ko xechón ínaá, la kja̱xin titekaoni kixin éxi Díos kjuínchexechón Jesús la ko ti ó tsokjan Jesús la xi̱kaha sinchexechón Díos kaín ti sin tsíkꞌen, ti sin kuitekaon ti jehe chꞌan.

Méxra̱ chrókóxakohanra kixin kjuaxróxin chrókꞌuejora la nkojnkora nohara nkehe ti ixra̱ chrókjui̱chꞌexínra itjára éxi kuétua̱hanra.

Kixin Díos la kjueyáhya ti jeheni kixin na̱xa̱ chrókjuasini ijie̱. Náhí. Tjinkaon chꞌan kixin tjóá chrókꞌuejóni.