Mga Binhi ng Tagsibol: 40-araw ng Paglalakbay para sa KababaihanHalimbawa

Pagtatanim at Pag-aalaga ng Iyong Hardin BINHI NG KATOTOHANAN Basahin Mga Taga-Efeso 1:15-23. Ano ang panalangin ni Pablo para sa mga simbahan sa Efeso at mga Cristiano sa buong mundo? Balikan at basahin ang panalangin Niya, isaisip na bilang mga "anak" ng Diyos, ipinapanalangin ka ni Jesus araw-araw (Mga Hebreo 7:25). Akalain si Jesus na nananalangin para sa'yo. Palitan ang mga salitang "iyo" ng pangalan mo at taimtim na bigkasin sa sarili. Paniwalaan itong katotohanan. MAGTANIM NG BINHI Mataimtim na bigkasin sa sarili ang piling babasahin mula sa Bibliya. Isapuso ito at pagnilay-nilayan sa buong araw. Mga Taga-Efeso 1:18-19 "Nawa'y liwanagan ng Diyos ang inyong isip upang malaman ninyo kung ano ang inyong inaasahan sa kanyang pagkatawag sa inyo, kung gaano kasagana ang pagpapalang inilaan niya para sa kanyang mga banal, at kung ano ang di-masukat na kapangyarihang kaloob niya sa atin na mga nananalig sa kanya." MAGDILIG NG BINHI Kunin ang panalangin ni Pablo at bigkasin ito para sa mga kapamilya at kaibigan. Ipanalangin ito para sa kaibigang nakikita mong naghahanap sa Panginoon ng buong puso, kaluluwa, isipan, at lakas. Ngayon ipanalangin ito para sa sarili. Gaya ni Pablo na nanalangin para sa mga Taga-Efeso at sa simbahan, alalahanin na si Jesus ay nagdarasal araw-araw, bawat oras, at bawat pagkakataon para sa'yo. Hilinging makita mo ang mga bagay-bagay ayon sa Kanyang mata. Tandaang "magdilig ng binhi" sa buong araw. Magtanim ng katotohanan sa iyong puso hanggang mag-ani ng harding hitik ng pananampalataya at kabanalan! MAG-ANI NG BUNGA Magdasal para makilala siyang lubos. MAGTAPOS SA PANALANGIN Hingin sa Diyos na pagyabungin ang lahat ng naitanim sa iyong puso ngayon.