21-Araw na Panalangin para sa mga Kaibigan Halimbawa

Gabay sa panalangin

Juan 4:13-14

Sumagot si Jesus, “Ang bawat uminom ng tubig na ito'y muling mauuhaw, ngunit ang sinumang uminom ng tubig na ibibigay ko sa kanya ay hindi na muling mauuhaw kailanman. Ang tubig na ibibigay ko ay magiging batis sa loob niya,  at patuloy na bubukal at magbibigay sa kanya ng buhay na walang hanggan.”

Panalangin:

Ama, tanging ikaw ang makatutugon ng labis na pangangailangan ng aming buhay. Jesus, salamat sa Iyong pagkamatay sa krus upang hindi na kami muling mauhaw. Dalangin ko na mapagtanto ni _______________________ na walang anuman sa mundong ito ang makapupuno ng kanyang mga pananabik, hangarin o masidhing mithiin. Nawa malasap ni _______________________ ang buhay na tubig na ibinigay Mo at makontento dito. Dalangin ko na ang ebanghelyo ay mag-ugat nang malalim sa kanilang puso at ito ay maging walang kamatayang bukal ng buhay, kagalakan at kapayapaan.