Maombi Ya Kusudi Katika Ndoa YakoMfano

Dirii ya haki

“Mungu ameunda ndoa kwa madhumuni yaliyowekwa na Mungu ya kutumia mamlaka juu ya nyanja ya ulimwengu wako ambapo una wajibu na ushawishi. Kama wanandoa, mnapaswa kuwashawishi wale wanaowazunguka badala ya kushawishiwa na ulimwengu.” Tony Evans

Baba, unatuambia kwamba tunapokufuata wewe na Neno lako, nia zetu zitabadilishwa na kufanywa upya. Kisha tutakuwa katika nafasi ya kutambua ni nini mapenzi yako ya haki kwetu. Lakini tunapopuuza uwepo wako na Neno lako, ni rahisi kufuatisha namna ya udhalimu wa ulimwengu huu. Mungu, tuwezeshe kama wanandoa kukutafuta wewe kila siku, iwe ni katika mazungumzo yetu sisi kwa sisi, wakati tunaposali pamoja, ujumbe mfupi tunazotumiana—kwa njia zozote zile zinazo hesabika — ebu tuwe ukumbusho kwa mmoja kwa mingine kufanya upya nia zetu kwa Neno lako.

Tunajua kwamba wakati nia zetu zinapopatana na yako, udhalimu wa ulimwengu huu utadhihirika. Nasi tutatafuta kuishi kwa kiwango chako, na sio cha ulimwengu. Tuongoze katika kusudi lako kila dakika ya kila siku. Katika jina la Kristo, amina