Isaiah 12:1-6

Uyakusho ngalolo suku ukuthi:

“Ngiyakubonga, Jehova,
ngokuba wangithukuthelela,
kepha intukuthelo yakho isibuyile, uyangiduduza.
Bheka, uNkulunkulu uyinsindiso yami;
nginethemba, angesabi,
ngokuba uJehova, uJehova ungamandla ami nehubo lami,
waba yinsindiso yami.”
Ngalokho niyakukha amanzi ngokujabula
emithonjeni yensindiso.

Niyakusho ngalolo suku ukuthi:
“Bongani uJehova,
nibize igama lakhe,
nizazise izenzo zakhe phakathi kwezizwe,
nimemezele ukuthi igama lakhe liphakeme.
Hlabelelani kuJehova,
ngokuba wenzile izinto ezinkulu;
lokhu makwazeke emhlabeni wonke.
Memeza, ujabule wena ohlezi eSiyoni,
ngokuba mkhulu oNgcwele ka-Israyeli phakathi kwakho.”