ULevitikusi 7:1-38
ULevitikusi 7:1-38 IsiZulu 2020 (ZUL20)
“ ‘Lena yindlela yomthetho eyolandelwa ngeminikelo yecala. Ingcwelengcwele. Umnikelo wecala uyakuhlatshelwa lapho kuhlatshelwa khona umnikelo wokushiswa, igazi lawo lifafazwe nxazonke ze-althare. Uyakunikela ngawo wonke amanoni awo; umsila ononileyo, nomhlwehlwe, izinso zombili ezisokhalo namanoni akuzo, nengxenye yesibindi enonile iyosuswa nezinso. Umphristi uyakukushisa kube nentuthu e-althare, kube ngumnikelo womlilo kuSimakade; kungumnikelo wecala. Bonke abesilisa abangabaphristi bayowudlela endaweni engcwele. Ungcwelengcwele. “ ‘Uma kwenziwa umnikelo wesono njengomnikelo wecala kuyolandelwa indlela yomthetho efanayo; umphristi owenza ukubuyisana ngawo kuyoba ngowakhe. Umphristi onikela ngomnikelo wokushiswa olethwe wumuntu, isikhumba somnikelo wokushiswa awunikele kuyoba ngesakhe. Yonke iminikelo yokusanhlamvu ebhakwe kuhhavini, naleyo elungiselwe okhambeni nasemqengeleni ombozwayo iyakuba ngeyomphristi onikele ngayo. Yonke iminikelo yokusanhlamvu exutshwe namafutha neyomileyo iyoba ngeyawo wonke amadodana ka-Aroni, anikwe ngokulinganayo.’ ” “ ‘Lena yindlela yomthetho eyolandelwa lapho kwenziwa imihlatshelo yeminikelo yokuthula eyonikelwa kuSimakade. “ ‘Uma enikela ngawo ube ngumnikelo wokubonga, uyakuwunikela uhambisana nomnikelo wokubonga wamaqebelengwane angenamvubelo axutshwe namafutha, namakhekheba angenamvubelo agcotshwe ngamafutha, namaqebelengwane empuphu ecolisekileyo exutshwe namafutha. Uyakuletha nomnikelo wokubonga umhlatshelo wakhe wokuthula namaqebelengwane esinkwa esinemvubelo. Uyothatha libe linye iqebelengwane emnikelweni wakhe, libe ngumnikelo kuSimakade, liyoba ngelomphristi oyofafaza igazi leminikelo yokuthula. Inyama yomnikelo wakhe wokubonga ukuthula iyodliwa ngosuku anikele ngalo; akuyukushiywa lutho lwayo kuze kube sekuseni. “ ‘Kepha uma umhlatshelo owunikelayo ungowesifungo noma ungowesihle, uyodliwa ngosuku onikelwe ngalo; okuseleyo kuwo kuyodliwa ngakusasa, kodwa inyama eyosala kuze kube lusuku lwesithathu, iyoshiswa ngomlilo. Uma nje inyama yomnikelo wakhe wokuthula idliwe ngosuku lwesithathu, umnikelo wakhe awuyukwamukeleka, futhi awuyukubalelwa kulowo owunikeleyo; uyakuba yisinengiso, kanjalo nomuntu oyidlayo uyothwala icala. “ ‘Inyama eyothintana nokungcolileyo ayiyukudliwa; iyakushiswa emlilweni, nokho enye inyama bangayidla bonke abahlambulukileyo. Kepha oyokudla inyama yomhlatshelo wokuthula kaSimakade esangcolile uyonqunywa. Uma umuntu ethinta into engcolileyo, ukungcola komuntu, noma isilwane esingcolileyo, noma into engcolileyo, enengekayo, bese edla inyama yomhlatshelo weminikelo yokuthula kaSimakade, lowo muntu uyakunqunywa kwabakubo.’ ” USimakade wakhuluma kuMose, wathi: “Yisho kubantu bakwa-Israyeli, uthi: ‘Aniyukuwadla amanoni enkomo, awenqama, nawembuzi. Amanoni engcuba nawokudweshulwe yisilwane sasendle angasetshenziselwa yonke eminye imisebenzi, kodwa aniyukuwadla nhlobo. Ngokuba oyokudla amanoni enkomo enikelwa kuSimakade ibe ngumnikelo womlilo, lowo owudlayo uyakudingiswa. Aniyukulidla igazi, noma ngelenyoni noma ngelenkomo kunoma yiyiphi yezindlu zenu. Oyodla igazi uyakunqunywa kubantu bakubo.’ ” USimakade wakhuluma kuMose, wathi: “Yisho kubantu bakwa-Israyeli uthi: ‘Onikela ngomhlatshelo wokuthula kuSimakade, uyakuletha umnikelo wakhe kuSimakade emnikelweni wakhe wokuthula. Uyakuwuletha ngezandla zakhe umnikelo wokushiswa kaSimakade. Uyoletha amanoni nesifuba ukuze isifuba sizungeziswe, sibe ngumnikelo wokuzungeziswa phambi kukaSimakade. Umphristi uyoshisa amanoni e-althare, kodwa isifuba kuyoba ngesika-Aroni namadodana akhe. Umlenze wesokunene emhlatshelweni wokuthula, niyowunika umphristi; ube umnikelo. Emadodaneni ka-Aroni, leyo eyonikela ngegazi leminikelo yokuthula nangamanoni, iyonikezwa umlenze wesokunene. Isifuba sokuzungeziswa nomlenze ongumnikelo engikuthathe emihlatshelweni yeminikelo yokuthula yabakwa-Israyeli, ngikunike u-Aroni umphristi namadodana akhe kube yisabelo sabo esimisiweyo esiphakade esivela kubantu bakwa-Israyeli.’ ” Lesi yisabelo esabelwa u-Aroni namadodana akhe eminikelweni yokushiswa kaSimakade, mhla belethwa ukuba bakhonze uSimakade bengabaphristi, uSimakade ayala ngakho ukuba bakunikwe ngabantu bakwa-Israyeli mhla ebagcoba; kube yisabelo esimisiwe esiphakade ezizukulwaneni zabo. Lena yindlela yomthetho eyolandelwa yeminikelo yokushiswa neminikelo yokusanhlamvu, neminikelo yesono, neminikelo yecala, nowokwehlukaniselwa, nowomhlatshelo weminikelo yokuthula, uSimakade amyala ngawo uMose entabeni iSinayi, ngosuku ayala ngalo abakwa-Israyeli ukuba banikele ngeminikelo yabo kuSimakade ehlane iSinayi.
ULevitikusi 7:1-38 IBHAYIBHELI ELINGCWELE (ZUL59)
“ ‘Nanku umthetho weminikelo yecala; ingcwelengcwele. Endaweni abahlabela kuyo umnikelo wokushiswa, bayakuwuhlabela khona umnikelo wecala, kufafazwe i-altare nxazonke ngegazi lawo. Uyakunikela ngawo onke amanoni awo, umsila ononileyo namanoni asibekela izibilini, nezinso zombili namanoni akuzo angasezinkalweni, namanoni aphezu kwesibindi, ewasusa ngasezinsweni, umprisiti akushise e-altare kube ngumnikelo womlilo kuJehova; kungumnikelo wecala. Bonke abesilisa phakathi kwabapristi bayakuwudla, udliwe endaweni engcwele; ungcwelengcwele. “ ‘Umnikelo wecala unjengomnikelo wesono; umthetho wawo munye; umpristi owenza ukubuyisana ngawo woba ngowakhe. Umpristi onikela ngomnikelo wokushiswa womuntu, isikhumba somnikelo wokushiswa anikele ngawo siyakuba ngesompristi. Yonke iminikelo yempuphu ephekwe eziko, nayo yonke elungiselwa okhambeni nasemqengeleni, iyakuba ngeyalo mpristi anikele ngayo. Yonke iminikelo yempuphu exovwe namafutha neyomileyo iyakuba ngeyamadodana onke ka-Aroni, enye ithole njengenye. “ ‘Nanku umthetho womhlatshelo weminikelo yokuthula okuyakunikelwa ngayo kuJehova. “ ‘Uma enikela ngawo ube ngumnikelo wokubonga, uyakunikela kanye nomhlatshelo wokubonga ngamaqebelengwane angenamvubelo exovwe namafutha, nemiqathane engenamvubelo, egcotshwe ngamafutha, namaqebelengwane empuphu ecolekileyo axovwe namafutha. Kanye namaqebelengwane esinkwa esivutshelweyo uyakunikela ngalo mnikelo kanye nomhlatshelo weminikelo yakhe yokuthula, ube ngowokubonga. Athabathe kuwo libe linye njalo eminikelweni yakhe, libe ngumnikelo ophakanyiswayo kuJehova, libe ngelompristi ofafaza ngegazi leminikelo yokuthula. Inyama yomhlatshelo weminikelo yakhe yokuthula ongowokubonga iyakudliwa ngosuku lokunikela kwakhe, angashiyi lutho lwayo kuze kuse. “ ‘Kepha uma umhlatshelo womnikelo wakhe ungowesithembiso noma ungowesihle, uyakudliwa ngalolo suku anikela ngalo ngomhlatshelo wakhe; nangakusasa okuseleyo kuwo kuyakudliwa; kepha okusele enyameni yomhlatshelo ngosuku lwesithathu kuyakushiswa ngomlilo. Uma inyama yomhlatshelo weminikelo yakhe yokuthula idliwa ngosuku lwesithathu, ayiyikwamukeleka, ingabalelwa kuye owanikela ngayo; iyakunengeka, nomuntu oyidlayo uyakuthwala ububi bakhe. “ ‘Inyama ethinta into engcolileyo ayinakudliwa, kepha iyakushiswa ngomlilo; nokho le nyama-ke bonke abahlambulukileyo bangayidla. Kodwa umuntu oyidla inyama yomhlatshelo weminikelo yokuthula engekaJehova esenakho ukungcola kwakhe, lowo muntu uyakunqunywa kubantu bakubo. Nanxa umuntu ethinta into engcolileyo, ukungcola komuntu noma isilwane esingcolileyo noma into engcolileyo enengekayo, adle inyama yomhlatshelo weminikelo yokuthula engekaJehova, lowo muntu uyakunqunywa kubantu bakubo.’ ” Jehova wakhuluma kuMose, wathi: “Yisho kubantwana bakwa-Israyeli, uthi: ‘Aniyikudla manoni enkomo, nawemvu, nawembuzi. Amanoni engcuba namanoni okudweshuliweyo angasebenza yonke eminye imisebenzi; kepha ningawadli nempela. Ngokuba yilowo nalowo odla amanoni enkomo okunikelwa ngayo ibe ngumnikelo womlilo kuJehova, lowo muntu owadlayo uyakunqunywa kubantu bakubo. Ningadli naliphi igazi, noma ngelenyoni noma ngelenkomo, nakuyiphi yezindlu zenu. Yilowo nalowo odla igazi lowo muntu uyakunqunywa kubantu bakubo.’ ” UJehova wakhuluma kuMose, wathi: “Yisho kubantwana bakwa-Israyeli, uthi: ‘Onikela ngomhlatshelo weminikelo yakhe yokuthula kuJehova uyakuletha umnikelo wakhe kuJehova emhlatshelweni weminikelo yakhe yokuthula; izandla zakhe uqobo zilethe iminikelo yomlilo kaJehova, alethe amanoni kanye nesifuba ukuba isifuba sizuliswe, sibe ngumnikelo wokuzuliswa phambi kukaJehova. Umpristi makashise amanoni e-altare, kepha isifuba sibe ngesika-Aroni nesamadodana akhe. Anonika umpristi umlenze wokunene, ube ngumnikelo wokuphakanyiswa emihlatshelweni yeminikelo yenu yokuthula. Lowo phakathi kwamadodana ka-Aroni onikela ngegazi leminikelo yokuthula nangamanoni koba ngowakhe umlenze wokunene, ube yisabelo sakhe. Ngokuba isifuba sokuzuliswa nomlenze wokuphakanyiswa ngikuthabathe kwabakwa-Israyeli emihlatshelweni yeminikelo yabo yokuthula, ngakunika u-Aroni umpristi namadodana akhe, kube yisimiso esiphakade kwabakwa-Israyeli.’ ” Leso siyisabelo sika-Aroni nesabelo samadodana akhe seminikelo yomlilo kaJehova mhla ebaletha ukuba bamkhonze uJehova esikhundleni sobupristi, ayala ngakho uJehova ukuba bakuphiwe ngabantwana bakwa-Israyeli mhla ebagcoba, kube yisimiso esiphakade ezizukulwaneni zabo. Lowo ungumthetho weminikelo yokushiswa, noweminikelo yempuphu, noweminikelo yesono, noweminikelo yecala, nowokwahlukaniselwa, nowomhlatshelo weminikelo yokuthula, uJehova amyala ngawo uMose entabeni yaseSinayi mhla eyala abakwa-Israyeli ukuba banikele ngeminikelo yabo kuJehova ehlane laseSinayi.
ULevitikusi 7:1-38 Contemporary Zulu Bible 2024 (CZB24)
Ngokufanayo kungumthetho womnikelo wecala: ungcwelengcwele. Endaweni lapho behlabela khona umnikelo wokutshiswa, bazahlabela khona umnikelo wecala; igazi lawo afafaze i-altare nxazonke. Kumelwe anikele wonke amanoni awo; isiphambano namanoni asibekela izibilini; Izinso zombili namanoni akuzo, asezinhlangothini, nengqamuzana eliphezu kwesibindi, kanye nezinso, kumelwe akususe. Umpristi kumelwe akuthungele ngomlilo e-altare njengomnikelo oya kuJehova oshiswa emlilweni; kungumnikelo wecala. Bonke abesilisa phakathi kwabapristi bayakuwudla; kudliwe endlini engcwele; ingcwelengcwele. Njengomnikelo wesono, unjalo umnikelo wecala: munye umthetho wawo: umpristi owenza ukubuyisana ngawo uyakuba nawo. Umpristi onikela ngomnikelo wokushiswa womuntu, isikhumba somnikelo wokushiswa anikele ngawo umpristi siyakuba ngesakhe. Wonke umnikelo wokudla obhakwa eziko nakho konke okulungiselelwa epanini lokuthosa nasepanini kumelwe kube ngumpristi onikela ngakho. Wonke umnikelo wokudla oxutshwe ngamafutha nokomile kumelwe unikwe wonke amadodana ka-Aroni, enye njengenye. Futhi lokhu kungumthetho wokubonga okufanele awulethe eNkosini. Uma eletha umnikelo wokubonga, makathose amaqebelengwane angenamvubelo ahlanganiswe namafutha, namaqebelengwane angenamvubelo agcotshwe ngamafutha, namaqebelengwane axutywe namafutha, nempuphu ecolekileyo, kanye nomnikelo wokubonga. Ngaphezu kwamaqebelengwane, kumelwe anikele njengomnikelo wakhe isinkwa esifakwe imvubelo kanye nokubonga kweminikelo yakhe yokubonga. Kumelwe alungise owodwa wawo wonke umnikelo owenziwe ngomlilo ube ngumnikelo wokuphakanyiswa kuJehova, ube ngowompristi ofafaza igazi lomnikelo wokubonga. Inyama yomnikelo wakhe wenhlanganyelo kumelwe idliwe ngalo lolo suku anikelwa ngalo; akumelwe ashiye lutho lwakho kuze kube sekuseni. Kodwa uma umnikelo womnikelo wakhe ungokwesithembiso noma ungumnikelo wesihle, kumelwe udliwe ngalo lolo suku anikela ngalo umnikelo wakhe; Kodwa okuseleyo kwenyama yomhlatshelo ngosuku lwesithathu kumelwe kushiswe ngomlilo. Uma inyama yeminikelo yakhe yokuthula idliwa nokuncane ngosuku lwesithathu, ayiyikwamukeleka, futhi ayiyikubalelwa onikelayo; kuyakuba yisinengiso, nomphefumulo odlayo. Kuwo uyakuthwala ububi. Inyama ethinta into engcolileyo mayingadliwa; kumelwe ishiswe ngomlilo, futhi ngokuqondene nenyama, bonke abahlanzekile kumelwe bayidle. Kodwa umphefumulo odla inyama yomhlatshelo wokubonga ongekaJehova engcolile, lowo mphefumulo unqunywe kubantu bakubo. Umphefumulo othinta noma yini engcolile, ukungcola komuntu, noma yisiphi isilwane esingcolile noma into enengekayo eyisinengiso, bese edla inyama yomnikelo wokubonga engekaJehova, lowo mphefumulo uyakunqunywa esandleni sakhe abantu. UJehova wakhuluma kuMose, wathi: Tshono ebantwaneni bakoIsrayeli uthi: Lingawadli amanoni enkomo kumbe imvu kumbe ezimbuzi. Amanoni esilwane esifa ngokwaso, namanoni esilwane esidweshuliwe, angasetshenziselwa noma iyiphi enye injongo, kodwa aniyikuwadla. Ngoba loba ngubani odla amahwahwa esilwane anikela kuso umnikelo womlilo eNkosini, umphefumulo owadlayo uzabhujiswa usuke ebantwini bakibo. Aniyikudla igazi kunoma iyiphi yezindlu zenu, noma elenyoni noma elezilwane. Wonke umphefumulo odla noma yiluphi uhlobo lwegazi, lowo mphefumulo kumelwe unqunywe kubantu bakubo. UJehova wakhuluma kuMose, wathi: Tshono ebantwaneni bakoIsrayeli uthi: Loba ngubani oletha imihlatshelo yakhe yokubonga eNkosini, uzaletha umnikelo wakhe eNkosini wemihlatshelo yakhe yokubonga. Izandla zakhe uqobo ziyakuletha umnikelo womlilo kaJehova, amanoni kanye nesifuba, alethe lokhu ukuba isifuba sinyakaziswe njengomnikelo wokushiswa phambi kukaJehova. Umpristi makashise amanoni e-altare, kepha isifuba sibe ngesika-Aroni nesamadodana akhe. Kumelwe ninike umpristi umlenze wesokunene njengomnikelo wokuphakanyiswa ezihlalweni zeminikelo yenu yokuthula. Lowo phakathi kwamadodana ka-Aroni oletha igazi leminikelo yokuthula namanoni uyakuba nomlenze wokunene ube yisabelo sakhe. Ngokuba isifuba esisuswayo nomlenze ngakususa kubantwana bakwa-Israyeli emihlatshelweni yokubonga ngakunika u-Aroni umpristi nakumadodana akhe, kube yisimiso esiphakade kubantwana bakwa-Israyeli. Lokhu kuyisabelo sokugcotshwa kuka-Aroni nesokugcotshwa kwamadodana akhe emnikelweni womlilo kaJehova ngosuku eyabaletha ngalo ukukhonza uJehova esikhundleni sobupristi. I Nkosi eyalaya ukuthi bayinikwe phakathi kwabantwana bakoIsrayeli ngosuku eyabagcoba ngalo, kube yisimiso esilaphakade ezizukulwaneni zabo. Lona ngumthetho womnikelo wokushiswa, nowomnikelo womlilo, nowomnikelo wesono, nowomnikelo wecala, nowokwahlukaniselwa, nowomnikelo wokubonga; uJehova ayala ngakho uMose entabeni yaseSinayi ngosuku eyala ngalo abantwana bakwa-Israyeli ukuba balethe iminikelo yabo kuJehova ehlane laseSinayi.