U-Eksodusi 4:1-31

Dlulisela

U-Eksodusi 4:1-31 IsiZulu 2020 (ZUL20)

UMose waphendula wathi: “Kepha bheka, ngeke bangikholwe noma bangilalele, bayakuthi: ‘USimakade akabonakalanga kuwe.’ ” USimakade wathi kuye: “Yini le esesandleni sakho na?” Wathi: “Yinduku.” Wayesethi: “Yiphonse emhlabathini.” Wayiphonsa emhlabathini, yaphenduka inyoka; uMose wayibalekela. Kepha uSimakade wathi kuMose: “Yelula isandla sakho, uyibambe ngomsila.” Waselula isandla sakhe, wayibamba; yaphenduka induku esandleni sakhe. “Bazokholwa-ke ukuthi uSimakade, uNkulunkulu wokhokho benu, uNkulunkulu ka-Abhrahama, uNkulunkulu ka-Isaka noNkulunkulu kaJakobe ubonakele kuwe.” USimakade wabuye wathi kuye: “Faka isandla esifubeni sakho.” Wasifaka. Lapho esikhipha, mameshane, isandla sakhe sabe sesinochoko, simhlophe njengeqhwa. UNkulunkulu wathi kuye: “Siphindisele esifubeni isandla sakho.” Wasiphindisela esifubeni sakhe. Kuthe lapho esesikhipha, habe, sesibuyele esimweni saso, sesifana nesikhumba sakhe. “Uma bengakukholwa, noma bengasishayi mkhuba isibonakaliso sakho sokuqala, bayosikholwa esilandelayo. Uma bengazikholwa zombili izibonakaliso noma bengakulaleli okushoyo, uyokukha amanzi eNayili, uwathele emhlabathini owomileyo, lawo manzi owakhe emfuleni ayophenduka igazi emhlabathini owomileyo.” UMose wathi kuSimakade: “Nkosi, ngixolele, angikaze ngibe ngumuntu oyiciko lokukhuluma, kusukela kuqala kuze kube manje njengoba ukhuluma nenceku yakho, ngokuba nginamalimi, ulimi lwami lulukhuni.” USimakade wathi kuye: “Ngubani owenza umlomo womuntu na? Ngubani owenza isimungulu nesithulu, obonayo noyimpumputhe na? AkusiMina Simakade na? Ngalokho-ke hamba, ngizokuba semlonyeni wakho, ngikufundise ozokusho.” Kepha wathi: “Nkosi, ngixolele, ngiyakucela ukuba uthumele omunye.” Intukuthelo kaSimakade yamvuthela uMose, wathi: “Akekho yini umfowenu u-Aroni ongumLevi na? Ngiyazi ukuthi uliciko lokukhuluma; bheka, uyeza uzokuhlangabeza, lapho ekubona uyothokoza enhliziyweni yakhe. Uyokhuluma naye, umtshele amazwi azowakhuluma ngomlomo wakhe, ngizokuba semlonyeni wakho nakowakhe, nginifundise enizokwenza. Nguye ozokukhulumela kubantu; uyakuba ngumlomo wakho, wena ufane nonkulunkulu kuye. Phatha le nduku ngesandla sakho, wenze ngayo izibonakaliso.” UMose wahamba wabuyela kumukhwe wakhe uJethro, wathi kuye: “Ngiyakucela, ngivumele ngihambe, ngibuyele kubahlobo bami abaseGibhithe, ngiyobona ukuthi basaphila yini.” UJethro wathi kuMose: “Hamba ngokuthula.” USimakade wathi kuMose ekwaMidiyani: “Hamba ubuyele eGibhithe, ngokuba sebafa bonke abebefuna ukukubulala.” UMose wathatha umkakhe namadodana akhe, wabagibelisa embongolweni, wahamba wabuyela eGibhithe. UMose wayephethe induku kaNkulunkulu ngesandla. USimakade wathi kuMose: “Lapho usubuyele eGibhithe, qikelela ukuthi uzenze zonke izimangaliso phambi kukaFaro engakunika amandla okuba uzenze, kodwa ngiyoyenza lukhuni inhliziyo yakhe, ukuze angabavumeli abantu ukuba bahambe. Uyakuthi kuFaro: ‘Usho kanje uSimakade: “U-Israyeli uyizibulo lami, ngathi kuwe: yivumele indodana yami ihambe ukuze ingikhonze, kepha wenqaba ukuyidedela ihambe, uyabona-ke, ngizoyibulala indodana yakho, izibulo lakho.” ’ ” Esendleleni, endaweni yokuphumula, uSimakade wahlangana naye, wafuna ukumbulala. UZiphora wathatha itshe elicijile wasika ijwabu lendodana yakhe, wathinta izinyawo zikaMose, wathi: “Ungumyeni wami wegazi kimi.” Ngalokho wamyeka uMose uSimakade, ngokuba uZiphora wathi: “Ungumyeni wami wegazi, ngenxa yokusoka.” USimakade wathi ku-Aroni: “Hamba uye ehlane uyohlangabeza uMose.” Wahamba, wahlangana naye entabeni kaNkulunkulu, wamanga. UMose wayesetshela u-Aroni wonke amazwi kaSimakade ayemthume wona, nazo zonke izibonakaliso ayemyale ukuba azenze. UMose no-Aroni bahamba baqoqa wonke amalunga abantu bakwa-Israyeli. U-Aroni wawakhuluma wonke amazwi uSimakade ayewakhulume kuMose, wenza nezibonakaliso phambi kwabantu. Abantu bakholwa lapho bezwa ukuthi uSimakade uqaphelile, wabona futhi ukuhlupheka kwabo, base bekhothama, bakhuleka.

U-Eksodusi 4:1-31 IBHAYIBHELI ELINGCWELE (ZUL59)

UMose waphendula wathi: “Kepha bheka, abayikukholwa yimi, bangalaleli izwi lami, ngokuba bayakusho ukuthi: ‘UJehova akabonakalanga kuwe.’ ” Wayesethi kuye uJehova: “Kuyini lokhu okusesandleni sakho na?” Wathi: “Yinduku.” Khona wathi: “Yiphonse phansi.” Wayeseyiphonsa phansi. Yaphenduka inyoka; uMose wayibalekela. Wayesethi uJehova kuMose: “Yelula isandla sakho, uyibambe ngomsila.” Wayeselula isandla sakhe, wayibamba; yaphenduka induku esandleni sakhe – ukuba bakholwe ukuthi uJehova, uNkulunkulu wawoyise, uNkulunkulu ka-Abrahama, noNkulunkulu ka-Isaka, noNkulunkulu kaJakobe, ubonakele kuwe. UJehova wathi futhi kuye: “Faka isandla sakho esifubeni sakho.” Wayesefaka isandla sakhe esifubeni sakhe; lapho esesikhipha, bheka, isandla sakhe sasinochoko, sinjengeqhwa. Wayesethi kuye: “Buyisela isandla sakho esifubeni sakho.” Wayesesibuyisela isandla sakhe esifubeni sakhe; kuthe esikhipha esifubeni sakhe, bheka, sase siphendukile, sinjengenyama yakhe. “Kuyakuthi uma bengayikukholwa nguwe, bengalaleli izwi lesibonakaliso sokuqala, bayakukholwa yizwi lesibonakaliso sasemuva. Kuzakuthi-ke uma bengayikukholwa nayilezi zibonakaliso ezimbili, bengalaleli izwi lakho, uyakukha amanzi omfula, uwathele emhlabathini owomileyo; amanzi owakha emfuleni ayakuphenduka igazi emhlabathini owomileyo.” UMose wayesethi kuJehova: “Nkosi, angizange ngibe ngumuntu oyiqaphuqaphu, nakuqala namanje lapho usukhulumile encekwini yakho, ngokuba umlomo wami unzima, unamalimi.” UJehova wayesethi kuye: “Ngubani owenzile umlomo womuntu na? Ngubani owenza isimungulu, nesithulu, nobonayo, nempumputhe na? Akusimina, uJehova, na? Ngalokho hamba; ngizakuba nomlomo wakho, ngikufundise lokho ozakukukhuluma.” Kepha wathi: “O Nkosi, ake uthume ngesandla salowo ozakumthuma.” Intukuthelo kaJehova yamvuthela uMose; wathi: “Akakho umfowenu u-Aroni, umLevi, na? Ngiyazi ukuthi ukhuluma kahle yena. Futhi bheka, uyaphuma ukukuhlangabeza; nalapho ekubona, uyakuthokoza enhliziyweni yakhe. Uyakukhuluma kuye, ufake amazwi emlonyeni wakhe; ngizakuba nomlomo wakho nomlomo wakhe, nginifundise lokho eniyakukwenza. Uyakukukhulumela kubantu, abe ngumlomo kuwe, wena ube njengoNkulunkulu kuye. Uzakuphatha le nduku ngesandla sakho, oyakwenza izibonakaliso ngayo.” Wayesehamba uMose, wabuyela kuJetiro umukhwe wakhe, wathi kuye: “Ake ngihambe, ngibuyele kubafowethu abaseGibithe, ngize ngibone ukuthi basekhona yini.” UJetiro wathi kuMose: “Hamba nokuthula.” UJehova wathi kuMose kwaMidiyani: “Hamba ubuyele eGibithe, ngokuba sebafa abantu bonke abafuna ukukubulala.” UMose wayesethatha umkakhe namadodana akhe, wabakhwelisa embongolweni, wabuyela ezweni laseGibithe; uMose waphatha induku kaNkulunkulu ngesandla sakhe. UJehova wathi kuMose: “Ekuhambeni kwakho usubuyela eGibithe bhekisisa ukuba wenze ebusweni bukaFaro zonke izimangaliso engizibeke esandleni sakho; kepha mina ngiyakuyenza lukhuni inhliziyo yakhe; akayikubayeka abantu ukuba bahambe. Uyakuthi kuFaro: ‘Usho kanje uJehova, uthi: U-Israyeli uyindodana yami, uyizibulo lami. Ngiyakutshela: “Yiyeke indodana yami ukuba ihambe ingikhonze,” kepha awuyiyekanga; bheka, sengiyakubulala indodana yakho, izibulo lakho.’ ” Kwathi endleleni endlini yezihambi uJehova wahlangana naye, wafuna ukumbulala. USipora wayesethatha insengetsha, wanquma ijwabu lendodana yakhe, waliphonsa ngasezinyaweni zakhe, wathi: “Impela ungumyeni wegazi kimi.” Wamdedela-ke. Khona wathi: “Ngumyeni wegazi ngenxa yokusoka.” UJehova wayesethi ku-Aroni: “Hamba umhlangabeze uMose ehlane.” Wahamba, wahlangana naye entabeni kaNkulunkulu, wamanga. UMose wamtshela u-Aroni onke amazwi kaJehova amthume nawo, nezibonakaliso zonke amyale ngazo. OMose no-Aroni baya, babutha onke amalunga abantwana bakwa-Israyeli; u-Aroni wakhuluma onke amazwi uJehova awakhulume kuMose, wazenza izibonakaliso emehlweni abantu. Abantu bakholwa-ke. Sebezwile ukuthi uJehova ubahambele abantwana bakwa-Israyeli, nokuthi ukubonile ukuhlupheka kwabo, base bekhothama, bakhuleka.

U-Eksodusi 4:1-31 Contemporary Zulu Bible 2024 (CZB24)

UMozisi wasephendula wathi: Kodwa khangela, kabayikukholwa kimi, kabayikulilalela ilizwi lami, ngoba bazakuthi: I Nkosi kayibonakalanga kuwe. INkosi yasisithi kuye: Kuyini lokhu okusesandleni sakho? Wathi: “Umgwaqo.” Wathi: “Yiphonse phansi.” Wayiphonsa phansi, yaba yinyoka; uMose wayibalekela. INkosi yasisithi kuMozisi: Yelula isandla sakho, uyibambe ngomsila. Waselula isandla sakhe, wayithatha, yaba ludondolo esandleni sakhe. Ukuze bakholwe ukuthi uJehova, uNkulunkulu wawoyise, uNkulunkulu ka-Abrahama, uNkulunkulu ka-Isaka, noNkulunkulu kaJakobe, ubonakele kuwe. INkosi yasisithi kuye: Faka isandla sakho esifubeni sakho. Wasifaka isandla sakhe esifubeni sakhe; wasikhipha, bheka, isandla sakhe sasinochoko njengeqhwa. Wathi: “Buyisela isandla sakho esifubeni sakho.” Waphinda wasifaka isandla sakhe esifubeni sakhe; wayiklebhula esifubeni sakhe, bheka, yaphenduka yaba njengenye inyama yakhe. Futhi kuyokwenzeka ukuthi uma bengakukholwa, noma bengalaleli izwi lesibonakaliso sokuqala, bayokholwa yizwi lesibonakaliso sokugcina. Uma nabo bengakholwa yilezi zibonakaliso ezimbili, bengalilaleli izwi lakho, uyakuthabatha amanzi omfula, uwathele emhlabathini owomileyo namanzi owamukileyo; lomfula uyakuba yigazi emhlabathini owomileyo. UMose wayesethi kuJehova: “Awu, Nkosi yami, angiyena umuntu okhulumayo, nangaphambili, nasemihleni yakho, kusukela lapho ukhuluma encekwini yakho; kodwa mina nginamazwi aphuzayo nolimi olunensayo. INkosi yasisithi kuye: Ngubani owenza umlomo womuntu? Ngubani owenza isimungulu noma isithulu noma obonayo noma oyimpumputhe? Anginayo iNkosi na? Hamba manje, mina ngizakuba lomlomo wakho, ngikufundise lokho ozakutsho. Wathi: “Nkosi yami, thuma ngesandla salowo omthumayo.” Intukuthelo kaJehova yamvuthela uMose, wathi: “Akasiye umfowenu u-Aroni umLevi na? Ngiyazi ukuthi uyakwazi ukukhuluma kahle. Futhi bheka, uyeza ukukuhlangabeza, futhi lapho ekubona, uyojabula enhliziyweni yakhe. Kumelwe ukhulume naye ufake amazwi emlonyeni wakhe; futhi ngizoba nomlomo wakho nomlomo wakhe futhi nginifundise okufanele nikwenze. Yena uyakuba ngumkhulumeli wakho kubantu, abe, yebo, abe ngawe esikhundleni somlomo, wena ube ngowakhe esikhundleni sikaNkulunkulu; Kumelwe uthathe lolu dondolo esandleni sakho ozokwenza ngalo izibonakaliso. Wayesehamba uMose, wabuyela kuJetiro umukhwe wakhe, wathi kuye: “Ngivumele ngibuyele kubafowethu abaseGibhithe, ngibone ukuthi basaphila yini. UJetro wathi kuMose: “Hamba ngokuthula.” INkosi yasisithi kuMozisi kwaMidiyani: Hamba, ubuyele eGibhithe, ngoba bonke abantu ababedinga impilo yakho bafile. UMose wayesethatha umkakhe namadodana akhe, wabakhwelisa embongolweni, wabuyela ezweni laseGibithe; uMose waphatha intonga kaNkulunkulu esandleni sakhe. UJehova wathi kuMose: “Uma ubuyela eGibithe, qiniseka ukuthi uyazenza phambi kukaFaro zonke lezo zibonakaliso engizinikele esandleni sakho; kodwa ngizayenza lukhuni inhliziyo yakhe, ukuze angabayekeli abantu bahambe. Uzakuthi kuFaro: Itsho njalo iNkosi: UIsrayeli uyindodana yami, izibulo lami; Futhi ngithi kuwe: Yiyeke indodana yami ihambe, ingikhonze; uma wenqaba ukumyeka, bheka, ngiyakubulala indodana yakho, izibulo lakho. Kwathi edlula, iNkosi yamhlangabeza, izama ukumbulala. USipora wayesethatha itshe elibukhali, wanquma ijwabu lendodana yakhe, waliphonsa ngasezinyaweni zakhe, wathi: “Bheka, ungumuntu wegazi kimi. Wayesemdedela; wayesethi: “Ungumuntu wegazi ngenxa yokusoka.” UJehova wathi ku-Aroni: “Hamba uyohlangabeza uMose ehlane. Wasuka wamhlangabeza entabeni kaNkulunkulu, wamanga. UMose wayesemtshela u-Aroni onke amazwi kaJehova amthumileyo, nezibonakaliso zonke eyamyala ngazo. OMose no-Aroni bahamba, babizela ndawonye onke amalunga abantwana bakwa-Israyeli. U-Aroni wakhuluma onke amazwi uJehova awakhuluma kuMose, wazenza izibonakaliso phambi kwamehlo abantu. Abantu bakholwa, sebezwile ukuthi uJehova ubahambele abantwana bakwa-Israyeli, nokuthi ulubonile usizi lwabo, bakhothama, bakhuleka.