2 AmaKhosi 19:5-7 - Compare All Versions

Dlulisela

Izinceku zenkosi uHezekiya zafika ku-Izaya. U-Izaya wathi kuzo: “Niyakusho kanje enkosini yenu, nithi: ‘Usho kanje uSimakade, uthi: “Ungawesabi amazwi owezwileyo, izinceku zenkosi yase-Asiriya ezingithuke ngawo. Bheka, ngizothumela kuye umoya, uyakuzwa umbiko, bese ebuyela ezweni lakubo, ngimwise khona ngenkemba.” ’ ”

Izinceku zenkosi uHezekiya sezifikile ku-Isaya, u-Isaya wathi kuzo: “Niyakusho kanje enkosini yenu, nithi: ‘Usho kanje uJehova, uthi: Ungesabi lawo mazwi owezwileyo, izinceku zenkosi yase-Asiriya ezingithuke ngawo. Bhekani, ngiyakubeka umoya kuyo, izwe amahemuhemu, ibuyele ezweni lakubo, ngiyiwise ngenkemba ezweni lakubo.’ ”

Izinceku zenkosi uHezekiya zafika ku-Isaya. U-Isaya wathi kubo: “Niyakusho kanje enkosini yenu: Isho kanje iNkosi uJehova, ithi: Ungawesabi amazwi owazwileyo, izinceku zenkosi yase-Asiriya ezingihlebe ngawo. Bheka, ngiyakuthuma umoya phezu kwakhe, ezwe umbiko, abuyele ezweni lakubo; futhi ngiyomenza awe ngenkemba ezweni lakhe.