Kutuuka 6
6
1Asinoni Shukulu Kalunga wendekele kuli Mosesa ngwendi, “Ololo oni ukamona vinjikalinga kuli mwene, omwo njikamusindiya ecele vanu vange vaye. Njikamusindiya ngeci akavasheke mu lifuti lyendi.”
Njambi asana Mosesa
2Njambi wendekele kuli Mosesa wamulekele ngwendi, “Yange njapwa Kalunga. 3#Kus 17:1; 28:3; 35:11; Kut 3:13-15 Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga#6:3 KALUNGA: Lizina eli mu ciHevelu ngwavo, Yawe, nambe Yehova. kuvalizivukile. 4Co lalo njalikumiiye navo cikumiiyo cange, njavakulaesele kuvana lifuti lya Kanana, mu lifuti muje muvakele omo vapwile vangenzi. 5Co ololo njinazivi kukemanga kwa vaIsalele, ava vanafukiwa mu vundungo kuli vaka-Ingito, ngeci njinanuka cikumiiyo cange. 6Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula. 7Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito. 8Co njikamitwala mu lifuti lije njakulaesele kulyana kuli Avilahama, na Isake, na Yakomba, co njikalyana kuli yeni kupwa vushwana vweni. Yange njapwa Kalunga.’ ” 9Co Mosesa walekele vyuma evi kuli vaIsalele, oloni kuvamutolililile, omwo vimbunge vyavo vyazeyele akufukiwa mu vundungo vwavukalu ngacije.
10Asinoni Shukulu Kalunga wendekele kuli Mosesa ngwendi, 11“Ya ukaleke mwene wa Ingito ngeci napande kwecela vaIsalele vatunde mu lifuti lyendi.”
12Oloni Mosesa wakumbulwile Shukulu Kalunga ngwendi, “Kenga vanu va Isalele kuvanjitolililile, co vatijo mwene akatolilila yange muka-cikukuma?”
13Co Shukulu Kalunga washikile Mosesa na Alone ngwendi, “Lekeni vaIsalele na mwene wa Ingito ngweni yange njinakushiki kutwamenena vaIsalele nakuvatundisa mu Ingito.”
Naanga ya Mosesa na Alone
14Luvena, ikeye ntwatwa ya Yakomba, wakele na vana vendi vawana va vanalume, mazina avo, Hanoki, na Palu, na Hezelone, na Kalemi. Ava vakevo vapwile vakukulwila va vikota vaje valilukile mazina avo. 15Simyoni wakele na vana vendi vatanu naumo va vanalume, mazina avo, Njemwele, na Njamine, na Ohande, na Njakine, na Zohale, na Shaulu muna munakazi wa ku Kanana. Ava vakevo vapwile vakukulwila va vikota vaje valilukile mazina avo. 16Levi wakele na vana vendi vatatu va vanalume, mazina avo, Ngeleshone, na Kohate, na Melali. Ava vakevo vapwile vakukulwila va vikota vaje valilukile mazina avo. Levi wayoyele myaka 137. 17Ngeleshone wakele na vana vendi vavali va vanalume, Limbeni, na Shimei, co vakele na vatekulwila vavangi. 18Kohate wakele na vana vendi vawana va vanalume, mazina avo, Amelame, na Izehale, na Hevelone, na Uziyele. Kohate wayoyele myaka 133. 19#Kul 3:17-20; 26:57-58; 1 Miz 6:16-19 Melali wakele na vana vendi vavali va vanalume, mazina avo, Maheli na Mushi. Eci cikeco cikota ca Levi ngwe ku vatekulwila vavo. 20Amelame wambatele vaten̄azi yendi Njokevende, uje wakitile Alone, na Mosesa, co Amelame wayoyele myaka 137. 21Izehale wakele na vana vendi vatatu va vanalume, mazina avo, Kola, na Nefenge, na Zikeli. 22Uziyele lalo wakele na vana vendi vatatu va vanalume, mazina avo, Mishaele, na Elezafane, na Siteli.
23Alone wambatele Elishemba muna Aminandave ndokazi ya Naheshone, co ikeye wakitile Nandave, na Avihu, na Elyazale, na Itamale. 24Kola wakele na vana vendi vatatu va vanalume, mazina avo, Asile, na Elekana, na Aviyasafe. Ava vakevo vakukulwila va vimunga vya vikota vya Kola. 25Elyazale muna Alone wambatele umo wa ku vana va Putiyele va vanakazi, co wakitilileko Finehase. Ava vakevo vakulunu va naanga ya Levi ngwe ku cikota na cikota cavo.
26Vakevo vene va Alone na Mosesa vaje Shukulu Kalunga wendekele navo ngwendi, “Tundiseni vanu va Isalele mu Ingito.” 27Vakevo vanalume vaje valekele mwene wa Ingito ngeci ecele vaIsalele.
Kushika kwa Shukulu Kalunga kuli Mosesa na Alone
28Shukulu Kalunga wendekele kuli Mosesa mu lifuti lya Ingito, 29wendekele kuli ikeye ngwendi, “Yange njapwa Kalunga. Leka mwene wa Ingito vyuma vyoshe vije vinjinakuleke.”
30Oloni Mosesa wakumbulwile Shukulu Kalunga ngwendi, “Kenga, yange nji muka-cikukuma, co mwene akanjitolilila vatijo?”
Okuqokiwe okwamanje:
Kutuuka 6: MBB
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
The Bible in Mbunda ©The Bible Society of Zambia, 2006
Kutuuka 6
6
1Asinoni Shukulu Kalunga wendekele kuli Mosesa ngwendi, “Ololo oni ukamona vinjikalinga kuli mwene, omwo njikamusindiya ecele vanu vange vaye. Njikamusindiya ngeci akavasheke mu lifuti lyendi.”
Njambi asana Mosesa
2Njambi wendekele kuli Mosesa wamulekele ngwendi, “Yange njapwa Kalunga. 3#Kus 17:1; 28:3; 35:11; Kut 3:13-15 Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga#6:3 KALUNGA: Lizina eli mu ciHevelu ngwavo, Yawe, nambe Yehova. kuvalizivukile. 4Co lalo njalikumiiye navo cikumiiyo cange, njavakulaesele kuvana lifuti lya Kanana, mu lifuti muje muvakele omo vapwile vangenzi. 5Co ololo njinazivi kukemanga kwa vaIsalele, ava vanafukiwa mu vundungo kuli vaka-Ingito, ngeci njinanuka cikumiiyo cange. 6Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula. 7Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito. 8Co njikamitwala mu lifuti lije njakulaesele kulyana kuli Avilahama, na Isake, na Yakomba, co njikalyana kuli yeni kupwa vushwana vweni. Yange njapwa Kalunga.’ ” 9Co Mosesa walekele vyuma evi kuli vaIsalele, oloni kuvamutolililile, omwo vimbunge vyavo vyazeyele akufukiwa mu vundungo vwavukalu ngacije.
10Asinoni Shukulu Kalunga wendekele kuli Mosesa ngwendi, 11“Ya ukaleke mwene wa Ingito ngeci napande kwecela vaIsalele vatunde mu lifuti lyendi.”
12Oloni Mosesa wakumbulwile Shukulu Kalunga ngwendi, “Kenga vanu va Isalele kuvanjitolililile, co vatijo mwene akatolilila yange muka-cikukuma?”
13Co Shukulu Kalunga washikile Mosesa na Alone ngwendi, “Lekeni vaIsalele na mwene wa Ingito ngweni yange njinakushiki kutwamenena vaIsalele nakuvatundisa mu Ingito.”
Naanga ya Mosesa na Alone
14Luvena, ikeye ntwatwa ya Yakomba, wakele na vana vendi vawana va vanalume, mazina avo, Hanoki, na Palu, na Hezelone, na Kalemi. Ava vakevo vapwile vakukulwila va vikota vaje valilukile mazina avo. 15Simyoni wakele na vana vendi vatanu naumo va vanalume, mazina avo, Njemwele, na Njamine, na Ohande, na Njakine, na Zohale, na Shaulu muna munakazi wa ku Kanana. Ava vakevo vapwile vakukulwila va vikota vaje valilukile mazina avo. 16Levi wakele na vana vendi vatatu va vanalume, mazina avo, Ngeleshone, na Kohate, na Melali. Ava vakevo vapwile vakukulwila va vikota vaje valilukile mazina avo. Levi wayoyele myaka 137. 17Ngeleshone wakele na vana vendi vavali va vanalume, Limbeni, na Shimei, co vakele na vatekulwila vavangi. 18Kohate wakele na vana vendi vawana va vanalume, mazina avo, Amelame, na Izehale, na Hevelone, na Uziyele. Kohate wayoyele myaka 133. 19#Kul 3:17-20; 26:57-58; 1 Miz 6:16-19 Melali wakele na vana vendi vavali va vanalume, mazina avo, Maheli na Mushi. Eci cikeco cikota ca Levi ngwe ku vatekulwila vavo. 20Amelame wambatele vaten̄azi yendi Njokevende, uje wakitile Alone, na Mosesa, co Amelame wayoyele myaka 137. 21Izehale wakele na vana vendi vatatu va vanalume, mazina avo, Kola, na Nefenge, na Zikeli. 22Uziyele lalo wakele na vana vendi vatatu va vanalume, mazina avo, Mishaele, na Elezafane, na Siteli.
23Alone wambatele Elishemba muna Aminandave ndokazi ya Naheshone, co ikeye wakitile Nandave, na Avihu, na Elyazale, na Itamale. 24Kola wakele na vana vendi vatatu va vanalume, mazina avo, Asile, na Elekana, na Aviyasafe. Ava vakevo vakukulwila va vimunga vya vikota vya Kola. 25Elyazale muna Alone wambatele umo wa ku vana va Putiyele va vanakazi, co wakitilileko Finehase. Ava vakevo vakulunu va naanga ya Levi ngwe ku cikota na cikota cavo.
26Vakevo vene va Alone na Mosesa vaje Shukulu Kalunga wendekele navo ngwendi, “Tundiseni vanu va Isalele mu Ingito.” 27Vakevo vanalume vaje valekele mwene wa Ingito ngeci ecele vaIsalele.
Kushika kwa Shukulu Kalunga kuli Mosesa na Alone
28Shukulu Kalunga wendekele kuli Mosesa mu lifuti lya Ingito, 29wendekele kuli ikeye ngwendi, “Yange njapwa Kalunga. Leka mwene wa Ingito vyuma vyoshe vije vinjinakuleke.”
30Oloni Mosesa wakumbulwile Shukulu Kalunga ngwendi, “Kenga, yange nji muka-cikukuma, co mwene akanjitolilila vatijo?”
Okuqokiwe okwamanje:
:
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
The Bible in Mbunda ©The Bible Society of Zambia, 2006