मत्तयाल 11
11
येसु आनि बापतिस्मा हियना योहान
1येसु ओना पन्नेंडु सिस्युल्कुंक आदेस हीतारित्ते, अगटाल पेय्सि गालिल एरियाता नाहकुने प्रचार कियालय आनि पेनदा पोल्लें कराहलय होत्तोर.
2-3बापतिस्मा हियना योहान जेलने मत्तस्के किरिस्तुना कबाह्कुना बारेमते केंजतोर. अस्के ओर ओना सिस्युल्कुंक इल्हा पूसकियालय येसुनहेके लोहतोर. “बोर अय्ते पिसागोटनोर वायानद मत्ता ओन निमेन ना? हिलाकोंटे मोमोट इंकावरोना एदुर हूळमळा?”
4येसु ओर्कु इल्हा जवाब हीतोर. “बतल अय्ते मिमेट केंजसंतिरो, हूळसंतिरो अवुन योहानुनगा होंचि वेहट. 5गुड्डोर्क हूळसंतुर, कुंटोर्क ताकसंतुर, कुस्टरोगम आतोर बेस आसंतुर, सेव्टोर्क केंजसंतुर, हातोर्कुंक जीवां अरसंतां आनि गरिबोर्कुंक बारे बेसता कबुर एवसंता. 6बोर अय्ते नावा बारेमते अन्समन्स किय्योर, ओन्के आसिर्वाद दोर्कंता,” इंचि इत्तोर.
7योहानुना सिस्युल्क अगटाल पेय्सि होत्तस्के, योहानुना बारेमते येसु लोकुल्कुंक इल्हा वेहालय दल्गतोर, “मिमेट बय्लि जेगाते बतल हूळालय होत्तिर? वळिक ऊंगना जाडितुना? 8मिमेट बतल हूळालय होंचि मत्तिर? मेत्तटा कपडिं केर्ता मनकन हूळालय होत्तिरा? मेत्तटा कपडिं केर्रानोर राजवाडाने मनांतुर. 9अय्ते मरि मिमेट बतल हूळालय होत्तिर? पेनदा कबुरतोन हूळालय होत्तिरा? हो. नना मीकु वेहासेक मंतन, मिमेट बोन अय्ते हूळतिर ओर पेनदा कबुरतोनकन्ना बच्चोरो पेद्दा मंतोर. 10ओना बारेमते पेन इल्हा वेहचि मत्ता. हूळा! नना नीकन्ना मुन्नेने नावा कबुरतोन लोहंतन, ओर नीवाहाटीं हर्रि तयार कींतोर. इंचि दर्मसास्त्रमते रासि मंता.”#मलाकी 3:1
11नना मीकु निजम वेहासेक मंतन, पुट्तोराव्टेटाल बापतिस्मा हियना योहानुंकन्ना पेद्दा बोर पुट्टा हिल्लुर. अय्नागानि स्वर्ग राज्येमते सिन्ना मनकलगुडा योहानुंकन्ना पेद्दोडे. 12बापतिस्मा हियना योहानुना रोजकुनस्केटाल अय्ते इदवेरदाकागुडा लोकुल्क स्वर्गमते जबरदस्तिते होळियसेक मंतुर. गानि बदमास लोकुल्क मात्रम अड्डम तिरियसि आपालय हूळसंतुर. 13बारित्ते योहानुन दाका मूसाल आनि अंटोर पेनदा कबुरतोर स्वर्ग राज्येमता बारेमते बविस्यवानिं कीसेक मत्तुर. 14मिमेटगिंटा अव बविस्यवानिन ओपकुनानय्ते, पेनदा कबुरतोर एलियाल वायनद मंता इंचि इत्तुर, ओर ईरे योहान आंदुर. 15बोर्कु केंजालय केव्क मंतां ओर केंजट.
16“गानि नना ई पीळिता लोकुल्कुन बोरा लोप्पो कल्पकन? मिमेट अय्ते बजारते उद्दिसि, वरोंक-वरोर केय्सि, 17मोमोट मीहाटीं तूरीला उह्कुतोम, गानि मिमेट एगरा हिल्लिर. मोमोट दुक्कमता पाटां पारतोम, गानि मिमेट अळा हिल्लिर, इंचि इनना पिलाल्कुनालेसीं मंतिर. 18बारित्ते योहान बतल तिनाकोंटा उनाकोंटा वातोर. अयना लोकुल्क मात्रम ओन देय्यम पीता इनुंदुर. 19अल्हेन मनकना रूपमते पुटतोन नना तिंचेके-उंचेके वातन गानि लोकुल्क मात्रम, हुळाट, ईर बच्चोर तिंतोर, बच्चोर उंटोर? कर वसुल कियानोर आनि पापि लोकुल्क ईना दंटातोर आंदुर, इत्तुर. गानि पेनदा बुद्दि सत्तेमतद आंद इंचि, दाना बुद्दिते ताकानोर कियाना कबाह्कुन पोर्रोटाल तेळियंता,” इंचि वेहतोर.
विस्वासम कियवोरा पिस्वर बेस मन्नो
(लूकाल 10:13-15)
20आयंका येसु बव नाह्कुने एक्को अद्बूताल्क कीतोरो, आ नाहकुना लोकुल्क मनसु मार्सकुंचि पेनदाहेके तिरिया हिल्लुर. दानहाटीं येसु आ नाह्कुन पोर्रो दोसेम दोसतोर. 21“ए कोरजिना आनि बेतसेदा नाटेना लोकुरिटा, मीकु गोसा तप्पो! ओक्कला मिहगा बव अद्बूताल्क आतां, अवे गिंटा सूर, सिदोन नाह्कुने आसि मत्ते अगाटा लोकुल्क बिराना बोंतां हुट्सि, मेंदुल्क बूळ्दि होकसि, दुक्कमते मनसु मार्सकुंचि मन्नेर. 22गानि नना मीकु वेहासेक गदा, पेन न्यायम कियना रोजुने सूर आनि सिदोनतुरा परिस्तिति मीकन्ना बच्चोरो बेस मनंता.”
23“ए कपर्नाहुम सहरता लोकुरिटा, मिमेट स्वर्गमते दांतोम इनकुंचंतिरा? मिमेट नरकमते दांतिर. ओक्कला मिहगा जर्गता अद्बूताल्क सदोम सहरते जर्गिसि मत्ते, अद सहर इदवेरादाका आगवड. 24गानि नना मीकु वेहासेक गदा, पेन न्यायम कियना रोजुने सदोम सहरता परिस्तिति मीकन्ना बच्चोरो बेस मनंता,” इंचि इत्तोर.
येसुन विस्वासम कीतोर्क सुकाल्क दोर्कंतां
(लूकाल 10:21,22)
25आ वेलाते येसु इल्हा इत्तोर: “ए नावा बाबा, बूमि आनि स्वर्गमता सामि, तेल्विगल्लोर्क आनि समजदार लोकुल्कुनगटाल इव पोल्लें मक्किचि इरतिन, सादा-सिंपल लोकुल्कुंक बारे इव पोल्लें हुपिस्तिन, इंचि नना नीवा स्तुति कीसेक मंतन. 26हो बाबा! नीकु इदे बेस अनपिस्ताहाटीं निमे इल्हा कीतिन.”
27मर्रा येसु लोकुल्कुनतोनि इल्हा वळकुतोर. “नावा बाबाल नाकु अन्नि अप्पजेपतोर. बाबान तप्पा मर्रिन बोरे एरपाट किय्युर, मर्रिन तप्पा बाबान बोरे एरपाट किय्युर. मर्रि ओना इस्टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर.”
28“अरे बर्वु कांजसि नेरबडता लोकुल्कुनिटा! मिमेट अंटोर नाहेके वट, नना मीकु आराम हींतन. 29-30ना कांडी मिमेट तेहाकुंचि नावातोनि करियट, नना बेस आनि सादा-सिंपल मंतन. इंका नावा कांडी सवरगा मंता#11:29-30 कांडी सवरगा मंता कराहमळ अल्कगा मंता. नावा बर्वु अल्कगा मंता. इंचि मी आत्माकु सांति दोर्कंता.”
Okuqokiwe okwamanje:
मत्तयाल 11: esg-Deva
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2022, Wycliffe Bible Translators, Inc. All rights reserved.
