Якьуб 5
5
Девлет авайбуруз тагьким
1Гила куьне, девлет авайбур, заз яб це. Шелар ая ва къагьарар ая, вучиз лагьайтӀа куь кьилел бедбахтвилер къвезва. 2Куь девлет ктӀанва, куь парталар гъуьчӀре тӀуьнва. 3Куь къизилни гимиш муьрхъуь кьунва, абурун муьрхъуь квез акси яз шагьидвал ийида ва, цӀу хьиз, куьн туькьуьнда. Эхиримжи йикъар алукьзава – куьне, ингье, девлет кӀватӀзава! 4Ингье, куьне куь никӀера бегьер кӀватӀай лежберрикай атӀай пулари кӀевидаказ гьарайзава. Гвен гуьзвайбурун сузадин ван Къуватрин Реббидив агакьзава. 5Куьне чилел булвиле-гурвиле ва кеф-кефиятда уьмуьр тухвана, амма Кьасабдин югъ#5:5 Сифтегьан Икьрардай къачунвай и ибара «Къияматдин югъ» лагьай чӀал я. алукьнавайлани, куьне са куьн тӀуьн гана куькарна. 6Квез аксивал тавур гьахъ-михьидак куьне тахсир кутуна ва ам яна кьена.
Сабур хуьх
7Стхаяр-вахар, Ребби къведалди сабур хвена акъваз. Чил гьялзавайдани, зулун ва гатфарин марфар агакьдалди, чилин багьа бегьер сабурдивди вилив хуьзва. 8Куьнни сабур гваз хьухь ва жуван рикӀер мягькемара, вучиз лагьайтӀа Ребби къведай чӀав мукьвал ала. 9Квек Аллагьди тахсир кутун тийидайвал, стхаяр-вахар, сада садалай шикаятар ийимир. Дуванбег атана ракӀарив акъвазнава.
10Стхаяр-вахар, Реббидин ТӀварцӀелай рахай пайгъамбарар квез азабра эхиз чирдай чешне хьурай. 11Сабур къалурзавайбур нуьсрет ганвайбур яз гьисабзава чна. Квез Аюбан сабурдикай ван хьана ва эхирдай Реббиди адаз гьикӀ нуьсрет ганатӀа акуна, вучиз лагьайтӀа Реббидихъ регьим хьунин ва рикӀ кунин девлет ава.
12Виридалайни вилик, зи стхаяр-вахар, я цавалди, я чилелди, я са гьихьтин ятӀани маса затӀуналди кьин кьамир. Квек Аллагьди тахсир кутун тийидайвал, къуй куь «эхь» – халисан «эхь», куь «ваъ» халисан «ваъ» хьурай.
Дуьадин къуват
13Квекай са ни ятӀани азаб чӀугвазватӀа, ада дуьа авурай. Са низ ятӀани бахт аватӀа, ада тарифдин манияр лугьурай. 14Квекай са вуж ятӀани азарди кьунватӀа, ада, вичин гьакъиндай дуьаяр авун патал ва вичивай Реббидин ТӀварцӀелай чӀем гуьцӀун патал, иманийрин кӀватӀалдин кьилевайбуруз эверрай. 15Иман гваз авур дуьади азарди кьунвайди дири хъийида. Реббиди ам къахрагъарда. Азар квайда гунагь авунватӀа, адалай гъил къахчуда. 16Сада садан вилик куьне куь гунагьар хиве яхъ ва, куьн дири хъхьун патал, сада садан гьакъиндай дуьаяр ая. Гьахъ-михьи касди кӀевелай ийизвай дуьадилай гзаф крар алакьда.
17 Ильяс гьа и чун хьтин инсан тир. Амма ада марф такъун патал кӀевелай дуьа авуна, ва чилел пуд йисни зура марф къванач. 18Ада мад дуьа авуна, цаву марф гана, ва чили цӀийи кьилелай бегьер гъиз хьана.
Гьакъикъатдивай къекъечӀайбурукай
19Зи стхаяр-вахар, квекай сад гьакъикъатдивай къекъечӀайтӀа, амма масада ам гьакъикъатдал хкайтӀа, 20ам дуьз рекьел хкайдаз чир хьурай хьи, и кардалди ада гунагькардин руьгь кьиникьикай хиласда ва адан гзаф гунагьар тахьайдай ийида.
Okuqokiwe okwamanje:
Якьуб 5: ЛезПК
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Институт перевода Библии, 2010-2024
Якьуб 5
5
Девлет авайбуруз тагьким
1Гила куьне, девлет авайбур, заз яб це. Шелар ая ва къагьарар ая, вучиз лагьайтӀа куь кьилел бедбахтвилер къвезва. 2Куь девлет ктӀанва, куь парталар гъуьчӀре тӀуьнва. 3Куь къизилни гимиш муьрхъуь кьунва, абурун муьрхъуь квез акси яз шагьидвал ийида ва, цӀу хьиз, куьн туькьуьнда. Эхиримжи йикъар алукьзава – куьне, ингье, девлет кӀватӀзава! 4Ингье, куьне куь никӀера бегьер кӀватӀай лежберрикай атӀай пулари кӀевидаказ гьарайзава. Гвен гуьзвайбурун сузадин ван Къуватрин Реббидив агакьзава. 5Куьне чилел булвиле-гурвиле ва кеф-кефиятда уьмуьр тухвана, амма Кьасабдин югъ#5:5 Сифтегьан Икьрардай къачунвай и ибара «Къияматдин югъ» лагьай чӀал я. алукьнавайлани, куьне са куьн тӀуьн гана куькарна. 6Квез аксивал тавур гьахъ-михьидак куьне тахсир кутуна ва ам яна кьена.
Сабур хуьх
7Стхаяр-вахар, Ребби къведалди сабур хвена акъваз. Чил гьялзавайдани, зулун ва гатфарин марфар агакьдалди, чилин багьа бегьер сабурдивди вилив хуьзва. 8Куьнни сабур гваз хьухь ва жуван рикӀер мягькемара, вучиз лагьайтӀа Ребби къведай чӀав мукьвал ала. 9Квек Аллагьди тахсир кутун тийидайвал, стхаяр-вахар, сада садалай шикаятар ийимир. Дуванбег атана ракӀарив акъвазнава.
10Стхаяр-вахар, Реббидин ТӀварцӀелай рахай пайгъамбарар квез азабра эхиз чирдай чешне хьурай. 11Сабур къалурзавайбур нуьсрет ганвайбур яз гьисабзава чна. Квез Аюбан сабурдикай ван хьана ва эхирдай Реббиди адаз гьикӀ нуьсрет ганатӀа акуна, вучиз лагьайтӀа Реббидихъ регьим хьунин ва рикӀ кунин девлет ава.
12Виридалайни вилик, зи стхаяр-вахар, я цавалди, я чилелди, я са гьихьтин ятӀани маса затӀуналди кьин кьамир. Квек Аллагьди тахсир кутун тийидайвал, къуй куь «эхь» – халисан «эхь», куь «ваъ» халисан «ваъ» хьурай.
Дуьадин къуват
13Квекай са ни ятӀани азаб чӀугвазватӀа, ада дуьа авурай. Са низ ятӀани бахт аватӀа, ада тарифдин манияр лугьурай. 14Квекай са вуж ятӀани азарди кьунватӀа, ада, вичин гьакъиндай дуьаяр авун патал ва вичивай Реббидин ТӀварцӀелай чӀем гуьцӀун патал, иманийрин кӀватӀалдин кьилевайбуруз эверрай. 15Иман гваз авур дуьади азарди кьунвайди дири хъийида. Реббиди ам къахрагъарда. Азар квайда гунагь авунватӀа, адалай гъил къахчуда. 16Сада садан вилик куьне куь гунагьар хиве яхъ ва, куьн дири хъхьун патал, сада садан гьакъиндай дуьаяр ая. Гьахъ-михьи касди кӀевелай ийизвай дуьадилай гзаф крар алакьда.
17 Ильяс гьа и чун хьтин инсан тир. Амма ада марф такъун патал кӀевелай дуьа авуна, ва чилел пуд йисни зура марф къванач. 18Ада мад дуьа авуна, цаву марф гана, ва чили цӀийи кьилелай бегьер гъиз хьана.
Гьакъикъатдивай къекъечӀайбурукай
19Зи стхаяр-вахар, квекай сад гьакъикъатдивай къекъечӀайтӀа, амма масада ам гьакъикъатдал хкайтӀа, 20ам дуьз рекьел хкайдаз чир хьурай хьи, и кардалди ада гунагькардин руьгь кьиникьикай хиласда ва адан гзаф гунагьар тахьайдай ийида.
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Институт перевода Библии, 2010-2024