Саалтыр 150
150
1Аллилуия.
Айхаллааҥ Таҥараны Кини сибэтиэй Дьиэтигэр;
айхаллааҥ Кини күүһүн кэрэһилиир киэҥ халлааныгар.
2Айхаллааҥ Кинини улуу дьайыыларын иһин;
айхаллааҥ сүдү килбиэнин кэриҥинэн.
3Айхаллааҥ Кинини турба тыаһынан,
айхаллааҥ арфа, лира доҕуһуолунан.
4Айхаллааҥ Кинини тимпаннаах үҥкүүнэн;
айхаллааҥ, устуруунаны тардан, флейтаны үрэн.
5Айхаллааҥ Кинини лыҥкынас кимвалларынан,
айхаллааҥ киҥкинэс кимвалларынан.
6 Айыы Тойону айхаллыахтын тыынар тыыннаах барыта.
Аллилуия.
Okuqokiwe okwamanje:
Саалтыр 150: СБК
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Институт перевода Библии, 2008-2022