Amavesi eBhayibheli adumile avela kokuthi Ba-Roma 6

Dlulisela

Nkaambo cakuvola cazibi ndufu, pele caabilo ca-Leza mbuumi butamani bwamuli-Kristo Jesu Mwami wesu.

Nkaambo zibi tazikooba abwami bwandinywe, ikuti tamuli kumi ku-Mulao, muli kumi kuluzyalo.

Aboobo twakazikwa awe mukubapatizigwa kwamulufu, kuti mbuli Kristo mbwaakabusigwa kuzwa kubafu kubulemu bwabawisi, mbubonya obo aswebo tukeende mubuumi bupya

Alimwi mutaabili zibi zizo zyanu mbuli zicityo zyakutalulama, pele amulyaabile Leza mbuli bapononona bazwa kubafu, azizo zyanu amuzyaabile Leza mbuli zicityo zyabululami.

Nkaambo tulizi kuti muntu wesu mukulukulu wakabambulwa awe aciingano, kuti mubili wazibi ukalobesegwe, tutacibi mubuzike bwazibi

Mbubonya obo anywebo amuliyeeye mbuli bafwididwe zibi, pele baumi kuli-Leza muli-Kristo Jesu Mwami wesu.

Lino twaambe buti? Sa tucikonzya kukala muzibi kuti luzyalo lukainde kuvula? Ne! swebo tufwidide zibi tukonzya buti kucikala mulinzizyo?

Sa tamuzi kuti umwi aumwi ngumulyaabila kukuswiilila, muli bazike bayooyo ngumuswiilila, nikuba zibi zileta lufu, nikuba luswiililo luleta bululami.

Pele Leza alumbwe kuti mwakali bazike bazibi pele mwaswiilila camyoyo olo lwiiyo ndumwaabilwa, nkabela lino mulilubulwidwe kuzibi, mwaba bazike babululami.