Amavesi eBhayibheli adumile avela kokuthi Matalikilo 27

Dlulisela

Leza akupe mume wakujulu, Azintu zilweela zyaansi, Amaila manji awaini. Misyobo yabantu ikumanine milimo, Amasi oonse akukotamine. Koba mwami akati kamukowa wako, Abalo bana babanyoko bakukotamine. Abe alutuko kufumbwa uukutuka. Abe acoolwe kufumbwa uukupa coolwe.

Wakati, Ma! Ncobeni izina lyakwe lya-Jakobo lyamweelela, nkaambo wandilya kobile, Wakatola bupati bwangu, lino sunu watola lulongezyo lwangu. Sa tokwe nowandisyaazizya lulongezyo ambebo?

Mpawo Izaka wisi wakamuvwiila kuti, Ncobeni cikalilo cako ciyooba akati kazintu zilweela zyanyika, Alume lwakujulu. Uyoopona kupanga lyako, Nkabela uyoomanina munyoko milimo, Pele caakuba ciindi uyooangunuka, Elyo uyoopwaya ijoko lyakwe ansingo yako.

Esau wakaambila wisi kuti, Sa ulijisi lulongezyo lomwe buyo, taata? Undilongezye ambebo, taata, Nkabela Esau wakakwiila, walila.