Amavesi eBhayibheli adumile avela kokuthi Yohan 2

Dlulisela

Galile mau mâ é Hkanaq wà mó má, Yesuq tûn shit é maúhpo alhô agàn gi, Yhang kut é maúhpo alhô agàn pé mâ é sânghî dàm nghut ri. Yhang gi, Yhâng é hpungwup shingkang lé, haú dông lhoqhtoq shit é nghut mù luî, Yhâng é chángzô pé gi, Yhang lé lùmjíng bum akô nghut ri.

Haú hkûn, Yesuq gi, “Ânu ê, haû, nàng gi, Ngò eq haî sêng lhê lhú? Ngá é ahkyíng a jé shî é nghut lhê.” ga tû taî ri.

Yesuq gi, haû duìnhâng zoshâng wuì lé, “Wúng haú pé má wuì lhoqpyíng keq.” ga taî ri; haû mù, yhángmòq gi, wúng haú pé má byíng shoq shoq lhoqpyíng bekô nghut ri. Hau htâng, Yhang gi, yhángmòq lé, “Ahkuî, ra-tsuí hkû yù mù, poî‑ùp lé yu ló byi keq.” ga taí jáng, yhángmòq gi, yu ló byî akô nghut ri.

Haú hkûn, Yesuq gi, “Noqkuq yhûm shî lé núngmòq hpyoq pyám keq, sum nyí gyoro má, Ngò, haú lé dum tu shap râ nghut lhê.” ga, yhángmòq lé tû taî ri.

Haû mù, Yhang gi, tui lé, nhuq râ wase saî yù mù, bànshoq bang lé le, sau eq nojûng lé le, haû noqkuq yhûm wàng mai hkat htoq luî, ngùn htaí zo bâng é ngùn htingchap lé gi, tu hut pyám byi mù, yhángmòq é zègyap lé gi, tu mhuq pyám byî ri; haû hpûngkyui ung zô é bang lé le, “Zè shi pé lé yu htoq ló keq! Ngá wâ é yhûm lé, wuìloq kut jowò hkâkut kó!” ga luî nhik-yô ri.