Amavesi eBhayibheli adumile avela kokuthi Ol Provep 16

Dlulisela

Neme yae meda pulalo pali-daare Adaa Aa nipuna ki-nane aba saape. Goa pali rabu nipumi go yaenu luabu ora ma-epealia.

Niaana pape yaenu mada kone penaloa pulalo pema pare Adaa Aa nipumi niana pamulalo pema yae adoa maredepo yaaya.

Epe agaa-re ora epe redepi alubi apaa-para mena midi-lapome adea. Nipu ora rede waru pua onaa luabu puri kata.

Niaame oyae meda palima kone ima yaere Adaa Aa-me epe ta-ga pipa tea-da pamina.

Ratu ora aipapulu nayawea aamere nipu epe kone sua pea. Go konere puri paloa yada wini peme-rupa mada. Aa medame nipuna bipa nipu waru surubaliare ada kagure meda yada naminabaeme-rupa mada pea.

Wae pupitagi noa nena bi minasaawa ne apiyapa te-daare ne wae-rupa malopaalia.

Niaana pema oyae luaburi Gote-na ini agaa mada redepo ta kone ima. Go yapare Adaa Aa nipumi niana kone waru mea ruma adoa rekepua makuaaya.

Aa medame ne mana-teade agaa waru aina madu pagoa piraliare ne epe-rupa pirali. Aa medame Adaa Aa madaa kone rulaliare nipu raana adaa mealia.

Neme oyae ogesi sa awa Adaa Aa ratulalo pali-ri mo mone akore i mi onaa page rabuawa wae pupitagi no aaya aa page rabunialia.

Aa medalomame nimuna pema yae luabu epeta kone sua pora pameme pare ota. Goa pama-pama puare orope nimu omalimi.

Waea pi aame-re onaana rikiraane wae bomo agaa mea lopawa nimu yada-yada waru mapaya. Makirae agaa-ta aame nipuna adami aanu raapu yada makepeaawa rugulala paya.