Amavesi eBhayibheli adumile avela kokuthi Ol Provep 10

Dlulisela

Go yapare Adaa Aa-me niaa oyaenu pama gea. Kedaa kogono-me oyaenu nagialia.

Aa medame agaa adaapu loaalia-daare, go aa nipuna agaame page wae-yae yolo rialia. Go yapare aa medame agaa adaapu natea-dare, go aa nipu ora epe kone su ayaa.

Lo-robaa wae-imi raburi wae-yae maepaaya. Goa pea pare aa yago meda raana omea aamere wae yae luabu pename ma-opaaya.

Ki-aa raakepea kogono napaliri, reaeme omoa aa naara pirali pare neme puri paloa kogono waru pali-dare, ne eta page amo yape page ne oyae meda na-rudu tea-pulu epe-rupa aali.

Go yapare aa medame nipu maredepo yaina kone saliadare, kagaa pirape supara palia. Go yapare aa meda nipu namaredepo-yaeme rabu rada-pia pea aare go epe pora gimea.

Epe kone sua epe-rupa piri onaare redepone-rupa pirualimi. Go yapare onaa waea palimidere, nimuna peme wae yaenu kudiri-pu na-i pename salia.

Neme Adaa Aa-na pora kurua oro yalo nipuna rolo-para pirali-dare, ne go su-amaaa adaalupu pirali. Go yapare wae aanuri go su-amaa adaalupu napiri ora aipapulu aba omalimi.

Adaa Aa-me nipu madaa kone rulaawa pimi onaa, eta nape oyae luabu asa pina kone na-ia. Goa pea pare mo waeya peme onaa-re nimu ama-yape, eta asapeme yaenu asapinalo pora poaaya.

Gore wae yapi-di meda go wae onaa repara popolalo palia raburi, gome nimu ora madiayaalia. Gore ipa roa oyae luabu kadepe ritade-rupa goa palia. Go yapare epe-rupa piri onaa-re nimu puri palo eto napi piralimi.