Amavesi eBhayibheli adumile avela kokuthi LOS HECHOS 2

Dlulisela

Cottimeja Pedro ndac̈ho ngain na: ―Ttentoxinhi ra vidá ra ngattoxon con Dios, co diguitte ra cada ra de ngain nombré Jesucristo para que sitjañaha ra cain tti jianha que joinchehe ra. Co jamé Dios rrorroanha Espíritu Santo nganji ra

Co cain chojni mé vaguitticaon na jian co vanchehe na inchin vacjago nirepresentanté Jesús. Co vaguitticaon chó ná, co vanchecoanxinhi na Dios co vaẍatte na cain na para vajine na tti niottja que dinhi Santa Cena.

Co Espíritu Santo joixinhi cuerpoe cain na conixin joachaxin. Co jehe na coexinhi na nichja na ojé nguigoa inchin Espíritu Santo joinchenichja na.

Co rato mé coinhi na ná ruido anto soji que joixin de ngajni, inchin are tja c̈hintto soji. Jamé vaẍoin ngoixin ngaxinhi nchia tti texinhi na. Cottimeja vicon na tsje neje ẍohi, co joí naná neje ẍohi mé ngataha cada na. Co Espíritu Santo joixinhi cuerpoe cain na conixin joachaxin. Co jehe na coexinhi na nichja na ojé nguigoa inchin Espíritu Santo joinchenichja na.

Nchanho co nchanho vaẍatte na ngain nihngo icha importante. Co ngain nchiandoha na vanecaho chó na. Co cain na anto vaché na co ni ná na conoeha na orgulloso. Jehe na vanchecoanxinhi na Dios. Co cainxin icha chojni ngain rajna vechonda respeto ngain cain na. Co cada nchanho Jesús, tti chonda cain joachaxin, vancheguitticaon icha co icha chojni.

Dios ndac̈ho: ngain tiempo are ochiaon ndatsjexin mundo, rrorroanha Espíritu Santo ngain cainxin chojni. Co chjan sayé joajnana para rrondache xan icha chojni de ixin janha, co janha sinttaguicon xanxí co xannc̈hí tsje cosa ẍá are toxinxin xan. Co cain chojni que ojonchjan tsoxinxin tsje cosa de ixin janha.

Co cainxin chojni que vaguitticaon Jesús anto vagoan na unido co vacjenguijna chó na c̈hjoin. Co coexinhi joinchecji na cosé na co vaconchjea na tomi ngain nivagondehe.

Co cainxin chojni que nichja jian de ixin Jesús, tti chonda cain joachaxin, ngain cain chojni mé jehe sanjo iná vida naroa.

Are mé nchanho isinchengasanha co ndatsonttie, co conittjao ndarrocjan va inchin jni. Cain yá tsonhe saho; cottimeja tsí nchanho are Jesús rrocjan tsí ngataha nontte, co tsjago ngain cain chojni joachaxin que jehe chonda.