Amavesi eBhayibheli adumile avela kokuthi ROOMA KAM 8

Jix maat ich na gu Dios pɨx jup tu duiñchuꞌndaꞌ na baꞌ joidham jix bhaiꞌ tu ja jimdaꞌ guiꞌ nam buiñor tu daandaꞌ, guiꞌ nat jɨꞌk ja aꞌm tɨ tɨɨ nam miꞌ puiꞌ jimiaꞌ na jax jix aaꞌ.

Baꞌ cham jɨꞌxkat tuꞌ miꞌ dhɨr kach boosgaꞌ na paiꞌ xich joiꞌmdat jich aꞌm ba tɨ nɨidhim gu Dios, sia chi moo tuꞌ muukiꞌ kaꞌ gɨt, piam gu tuꞌ na duakaꞌ, nix chuꞌ gu noonbiꞌñ gu Dios, nix chuꞌ gu tuꞌ nam tu dudua iꞌiiꞌmdaꞌ bhaan nam tɨi bɨɨx aixim jix bhaaiꞌ nam pu tu duñiaꞌ nam dɨɨlh jax ɨlhiiꞌñdhaꞌ, nix chuꞌ gu tuꞌ na xib jix maax, nix chuꞌ gu tuꞌ na gatuuk tu maaxilhiaꞌ, nix chuꞌ gu tuꞌ na tɇꞌkob jaꞌk jix chu jaiꞌch, nix chuꞌ gu tuꞌ na tuukab jaꞌk jup jix chu jaiꞌch, nix chuꞌ dho moo gu tuꞌ na Dios jup jir duñiiꞌñ ku cham bhaaiꞌ na jax dhui miꞌ dhɨr jich boosgaꞌ, na paiꞌ xich joiꞌmdat jich aꞌm ba tɨ nɨidhim gu Dios bhaankam guch Xoiꞌkam nar jich Gɇꞌkam tuk, na guꞌ guch Xoiꞌkam pɨx bhaan jix maatɨꞌ na xich joiꞌmdat jich aꞌm tɨ nɨiꞌñ gu Dios.

Guꞌ baꞌ gux Dhuuduꞌ kam jix Uañ Iiꞌmdaꞌ jich palhbuiꞌñdhaꞌ ɨp gu tuꞌ noꞌch cham am buatuꞌ piam kuch cham maat. Na guꞌ noꞌch cham maatɨt tu daan buiñor gu Dios na jax jaꞌk jum aaꞌ nach buiñor tu daandaꞌ, gux Dhuuduꞌ kam jix Uañ Iiꞌmdaꞌ miꞌ dhɨr puiꞌ soiꞌ tɨtdadaꞌ gu Dios jich aꞌmkam, dai na cham tuꞌ ñiꞌook kɨꞌn jaꞌp nach jax kaiꞌchdhaꞌ aach.

Dho jaiñ, ¿jax baꞌr jum duukam jiñ jaaduñ dhiꞌ puiꞌ? Dho nach palhbuiꞌñ dho gu Dios xich joiꞌmdat bɨɨx aixim bhaan, jich aꞌm tɨ nɨidhim. Baꞌ cham jɨꞌxkat jax jich dhoodaꞌ sia chi jaroiꞌ tɨi xich bhaamkiꞌñ.

Na guꞌ guiꞌ nam jɨꞌk buiñor bap tuiꞌñgɨdaꞌ guch Xoiꞌkam, cham tuꞌ mu jaꞌk ka jiimdaꞌ am nam paiꞌ gammɨjɨ gɨt miꞌ pup jum tulhiiñdhaꞌ, nam guꞌ cham tuꞌ miꞌ puiꞌ ka jiimdaꞌ na jax jix aaꞌndaꞌ gu ja tutkuꞌ, guꞌ jaꞌpji daipuꞌ na jax pɨx ja jurtudidhaꞌ gux Dhuuduꞌ kam jix Uañ Iiꞌmdaꞌ.

Gio guꞌ gu jaroiꞌ nax buam jum aaꞌntugɨt gaagidhaꞌ na jax jurtuꞌnkaꞌ gux Dhuuduꞌ kam jix Uañ Iiꞌmdaꞌ, dhiꞌ joidham jix bhaiꞌ tu jimiaꞌ, na guꞌ buiñor jaꞌk aayaꞌ gu Dios na paiꞌ joidham jix bhaiꞌ tu tatdaꞌ. Guꞌ cham ji guiꞌ na dai bhaan jix buam jum aaꞌndaꞌ gu yaꞌ kam dhi oiꞌñgaꞌn na tuꞌx maax, na jax jurtuꞌnkaꞌ gu tukgaꞌn, dai guꞌ na mu jaꞌk bhɨɨyaꞌ na paiꞌ gammɨjɨ miꞌ pup jum tulhiiñdhaꞌ.

Matgɨm chaam tuꞌ ji na tuꞌch dhaam jup tuꞌiiꞌ. Jaꞌkbuiꞌch ja daam jup tuꞌiiꞌ ji dhiꞌ bɨɨx na jɨꞌk jir jix buam tum duuꞌnkam, nat guꞌch palhbui guch Xoiꞌkam xich joiꞌmdak nach baꞌ puꞌñi ja daam jimiaꞌ.

Aañ jaꞌpni ɨlhiiꞌñ, na cham tuꞌ jaꞌxbuiꞌp jir gɇꞌ dhi tulhiiñaraꞌ na jax guiꞌ nach tuꞌ tɨgiaꞌ gatuuk na joidham jix abhaar. Aañ jiñ bui jir cham tuꞌ dhi tulhiiñaraꞌ.

¿Tuꞌ pim ɨlhiiꞌñ jiñ jaaduñ na miꞌ dhɨr kach boosgaꞌ na paiꞌ xich joiꞌmdat jich aꞌm ba tɨ nɨidhim guch Xoiꞌkam? ¿Gu tulhiiñaraꞌ aa? ¿Kaꞌ gux xijaim jum aaꞌndam aa? ¿Kaꞌ noꞌm jich gɨb aa guiꞌ nam xich bhaamkiꞌñdhaꞌ? ¿Kaꞌ gu bhiogiꞌ aa? ¿Kaꞌ noꞌch cham ka biaꞌ aa nach tuꞌch chɨiꞌdhaꞌ? ¿Kaꞌ noꞌch muukiꞌ chɨr bap tuiꞌdhiꞌ aa? ¿Kaꞌ dɨɨlh aa gu muukiꞌ?

Na guꞌ gu Dios dɨɨlh jix maatɨt kɇɇkɇꞌ na jax kaiꞌñkam jup tɨtdadaꞌ, na guꞌ gu Dios siax mat kaꞌ nam jax jir tuꞌm kaꞌ gu jaꞌtkam ja jujur am bhaan. Baꞌ gux Dhuuduꞌ kam jix Uañ Iiꞌmdaꞌ puiꞌ pɨx tɨtdadaꞌ gu Dios noꞌx aaꞌ na puiꞌ tu duñiaꞌ nam jax tɨtdadaꞌ guiꞌ nam buiñor jup tuiꞌñgɨdaꞌ.

Baꞌ guiꞌ nam puꞌñi miꞌ puiꞌ jiimdaꞌ na jax pɨx ja jurtudidhaꞌ gux Dhuuduꞌ kam jix Uañ Iiꞌmdagaꞌn gu Dios, dhiꞌ puiꞌm tɨɨtɨꞌndaꞌ am nam jir maamraꞌn gu Dios.

Na guꞌ guiꞌ nam pui miꞌ puiꞌ tu daaꞌñchuꞌ na jax jix aaꞌndaꞌ gu ja tutkuꞌ nar yaꞌ kam dhi oiꞌñgaꞌn bhaan, dai gu tuꞌ nar yaꞌ kam dhi oiꞌñgaꞌn nam bhaan jix buam jum aaꞌndaꞌ. Guꞌ baꞌ guiꞌ nam miꞌ puiꞌ jiimdaꞌ na jax jup ja jurtuꞌnkaꞌ gux Dhuuduꞌ kam jix Uañ Iiꞌmdaꞌ na cham maax, dai gu tuꞌ na cham maax jam bhaan jix buam jup jum aaꞌndaꞌ.

Nat guꞌ gu Dios cham tuꞌ xich dhaiꞌ gu Maraaꞌn, guꞌ jaꞌpji nat cham jax ji chɨꞌɨɨk tu maa nat baꞌ yaꞌch aꞌmkam muu na baꞌ miꞌ dhɨr jix bhaiꞌ ba tuch jimdaꞌ puꞌñi. Guꞌ baꞌ nat cham jich dhaiꞌ gu Maraaꞌn, dhiꞌ bhaan jix maatɨꞌ ɨp na bɨxchuꞌch aꞌm jup tu tuꞌiiꞌ bɨɨmaꞌn gu Maraaꞌn.

Dhix Dhuuduꞌ kam jix Uañ Iiꞌmdaꞌ maap jum dagiaꞌ am gu dɨɨlh jich iiꞌmdaꞌ, baꞌ maaꞌn ñiꞌook xip dui am miꞌ dhɨr puiꞌ ba tɨꞌyaꞌ nach aach jir maamraꞌn gu Dios. Guꞌ baꞌ noꞌch miꞌ dhɨr puꞌñi bar maamraꞌn gu Dios, dho dai nach aꞌm ba tu biꞌyaꞌ guiꞌ nat tuꞌ Dios dɨɨlh jich iimchux. Baꞌ dhiꞌ na tuꞌch aꞌm biꞌyaꞌ, maap jich aꞌm ji biꞌyaꞌ gook dɨt guch Xoiꞌkam, ku guꞌ noꞌ chich jaꞌxbuiꞌ puiꞌp jich chulhii ji nat jax jum tulhii guch Xoiꞌkam, baꞌ miꞌ dhɨr dai nach buiñor ba aayaꞌ na paiꞌ joidham jix chu abhaar.

Gio guꞌ guiꞌ nam puꞌñi dai bhaan jix buam jum aaꞌndaꞌ na jax ja jurtuꞌnkaꞌ gu ja tutkuꞌ nar yaꞌ kam dhi oiꞌñgaꞌn, dhiꞌ bhaan jix maatɨꞌ kaꞌ nam jix bhaamkiꞌñdhaꞌ gu Dios, na guꞌ cham bhaaiꞌn kaꞌ nam jax dhui miꞌ puiꞌ jimiaꞌ na jax tu aagix buiñor, gio guꞌ cham jɨꞌxkat miꞌ puiꞌ jimiaꞌ am sia pɨk jax kaꞌ gɨt.

Na guꞌ nat jɨꞌk tuꞌp tu duu gu Dios dhi oiꞌñgaꞌn bhaan, tɨi tɨ nɨɨra am na gɨt bam aayaꞌ guiꞌ gu tanoolh na paiꞌ dhuuk gu Dios dɨɨlh ba tu aaꞌndaꞌ nam jir jaroiꞌ dhaꞌ gu maamraꞌn.

Jix maat ich na giilhim tulhiiñaraꞌ tɨr jup tu tuiꞌdhiꞌ dhiꞌ bɨɨx nat jɨꞌk tuꞌp tu duu gu Dios yaꞌ dhi oiꞌñgaꞌn, tɨix koꞌkom tum bua jaꞌp na jax maaꞌn gu ubii noꞌ bax chɨɨgim gu alhii nax koꞌkom jum buadaꞌ.