Amavesi eBhayibheli adumile avela kokuthi Kushangumuka 49

Dlulisela

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

“Yosefa napu ngwe ngolo wakukundama ku lisima lya kavwelu-vwelu, muna ngolo wa ku mutambela wa ku lilundu. Vitozi vendi vakamulwisa na vukalu nakumusheka na mata avo a lusipa na mikili.

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele. Ikeye Njambi ya vaishweni, ou alinakumikwasa, Njambi Muka-nzili yoshe, ou alinakumivezikisa na vivezikiso vya nyonzi ilinakutunda kwilu na mema akulova alinakutunda mwisi ya livu, na vivezikiso vya vimuna vavangi na vanike.

“Yunda, vandolome vove vakakushangazala, yove ukakwata vitozi vove a singo, vamunyanyoko vakakutsikamena nakukulemesa. Yunda napu ngwe ndumba, atsiya evi akwata, elukila lalo ku mbulu yendi. Alyolola nakulala naumo wai asimpa ngeci amukasumune.

“Luvena, yove ntwatwa yange, yove wapwa nzili yange munange wakulivanga wa mu vukwenje vwange, munange wakulyakako na nzili yoshe kutuvakana vana vange voshe. Yove wafwa ngwe mankimba a livazi, oloni yove kuukapu uwavulemu vwakama, omwo yove walalele na lishano lyange lya mbanja, co wazivisile shwamwa vulili vwa isho.