Amavesi eBhayibheli adumile avela kokuthi Kushangumuka 27

Dlulisela

Njambi akwane nyonzi yakutunda mwilu, mahya ove apwe a vwilo, akwane vimbuto vyavingi na vinyu! Miyati yoshe vakapwe vangamba vove, co vanu voshe vakakulemese. Ukashwane vavushoko vwove voshe, na vatekulwila va vaka-nyoko vakakulemesa. Vaje vakakusinga, navo vakasingiwe, co vaje vakakuvezikisa, vakapwe vakuvezika.”

Co Isau wendekele lalo ngwendi, “Eyi ikeyo simbu yamucivali Yakomba nanjikwisa. Kunjasa kukomoka omo lizina lyendi lyapwa Yakomba. Ikeye wanjitambwile moko ya vu ntwatwa vwange, co ololo lalo nanjitambula civezikiso cange. Kuma yange kuunjivezikisa lalo civezikiso cimo ndi?”

Asinoni Isake wendekele kuli ikeye ngwendi, “Kukwesi nyonzi ikatunda mwilu ikaija ali yove, kuukakala na mahya a vwilo. A mukwale wove akeo ukayoyela, co ukapwa ndungo ya ndolome yove. Oloni omo ukamutengulukila, co ukacakunuka ku mandauluwa yendi.”

Oloni Isau wendekele lalo ngwendi, “Tate, kuma ukavezikisa lumolika ndi? Nange lalo tate njivezikiseko!” Co walombele nakulila manene.