Amavesi eBhayibheli adumile avela kokuthi MARKA 13

Dlulisela

Mi ta vengiwa hi hinkwavo hikwalaho ka vito ra mina, kambe la tiyiselaka ku fikela emakumu, hi yena la nga ta ponisiwa.

“Tivoneleni, mi hiteka, mi va mi khongela, hikuva a mi tivi leswaku nkarhi wu ta va rini.

Kambe siku va mi kokaka ku mi yisa eku avanyisiweni, mi nga tshuki mi vilela hi leswi mi nga ta swi vula, mi nga tshuki mi swi anakanya; kambe vulani leswi mi nga ta swi nyikiwa enkarhini wolowo, hikuva a hi n'wina mi nga ta vulavula, kambe i Moya lowo Kwetsima.

Tiko ni misava swi ta hundza, kambe marito ya mina ma nga ka ma nga hundzi.

“Loko ri ri siku lero ni nkarhi lowu, a ku na loyi a wu tivaka, hambi ti ri tintsumi ta le tilweni, hambi a ri N'wana; wu tiviwa hi Tatana ntsena.

Kutakuloko mi twa tinyimpi ni mimpfumawulo ya tinyimpi, mi nga tshukeni, hikuva leswi, swi fanele ku humelela; kambe a hi wona makumu.

Hitekani-ke, hikuva a mi tivi nkarhi n'wini wa yindlu a nga ta ta ha wona, kumbe nimadyambu, kumbe nivusiku lebyikulu, kumbe loko nkuku wu ringa, kumbe nimixo; hikuva loko a fika hi ku mi tshuketa, a nga tshuki a mi kuma mi etlele. Kambe leswi ndzi mi byelaka swona ndzi byela hinkwavo, ndzi ri: Hitekani!”

Hikuva tiko rin'wana ri ta pfukela tiko rin'wana matimba, ku fuma kun'wana ku ta lwa ni ku fuma kun'wana; ku tsekatseka ka misava ku ta va kona hi matlhelo layo tala, ni tindlala ti ta va kona ni madzolonga. Leswo i ku sungula ka mahlomulo.

Kambe swi fanele leswaku Evhangeli yi rhanga yi byeriwa ematikweni hinkwawo.

Hikuva lavo tala va ta ta hi vito ra mina, un'wana ni un'wana a ku: ‘Hi mina Kriste’ kambe va ta hambukisa lavo tala.

“Kambe n'wina, tilanguteleni; hikuva va ta mi yisa etihubyeni ni le masinagogeni; mi ta biwa, mi yimisiwa emahlweni ka tindhuna ni tihosi hikwalaho ka mina, mi va timbhoni eka vona.

hikuva ku ta humelela vakriste vo hemba lavo tala, ni vaprofeta va mavunwa; va ta endla masingita ni swikombiso leswi nga ta hambukisa na vona vahlawuriwa, loko swa endleka.

“Kambe emikarhini leyo, endzhaku ka nhlomulo wolowo, dyambu ri ta endla ntima, n'weti wu ta pfumala ku vonakala, ni tinyeleti ti ta wa hi le tilweni, ni leswa matimba swa le tilweni swi ta tsekatseka.